Nú stendur yfir COP29 ráðstefnan um loftslagsbreytingar, en hún er haldin í Baku í Azerbaijan. Þar koma aðildarríki að samningi Sameinuðu þjóðanna um loftslagsbreytingar saman og leitast við að ná samkomulagi um aðgerðir til þess að draga úr loftslagsbreytingum. Þessi samningur er í daglegu tali oft nefndur Parísarsamningurinn.
Þorgerður María Þorbjarnardóttir, formaður Landverndar er stödd á ráðstefnunni, en hún er haldin í Baku í Azerbaijan. Nokkuð hefur borið á hvatningu til að sniðganga ráðstefnuna, meðal annars vegna slæmrar meðferðar á fjölmiðlafólki í Azerbaijan, en það á það á hættu að vera fangelsað ef það er of gagnrýnið á stjórnvöld, og þess að sumir telja ráðstefnuna einungis vera grænþvott.
Nú er COP16 ráðstefnunni um líffræðilegan fjölbreytileika nýlokið, en hún fór fram í Cali í Kólumbíu. Þorgerður María var einnig stödd þar, sem fulltrúi Landverndar. Fjöldi vísindamanna og náttúruverndarsamtaka, þar á meðal Landvernd, hefur kallað eftir því að brúað verði bilið á milli ráðstefnanna tveggja. Verndun líffræðilegs fjölbreytileika og loftslagsbreytingar eru nefnilega ekki aðskilin mál, heldur verða þau að haldast í hendur.
Á meðan ráðstefnuflakki Þorgerðar stendur er hún með regluleg innslög í Samfélaginu á RÁS 1, þar sem hún segir okkur frá ráðstefnunum tveimur og ferðalagi sínu.
Hægt er að hlusta á öll innslögin hér að neðan.
