Landvernd efnir til fundar um orkuskiptin, þar sem að sýnt verður frá sviðsmyndum Landverndar um orkuskiptin.
Fundurinn verður haldinn í Veröld – Hús Vigdísar þann 15. Júní frá 12:00 til 13:00.
Fundinum verður streymt.
Er hægt að klára orkuskiptin án þess að ganga verulega á náttúruperlur Íslands með meiriháttar virkjanaframkvæmdum? Já heldur betur! Við efnum til fundar þar sem við kynnum útreikninga sem unnir voru fyrir Landvernd og niðurstöður þar sem útkoman verður á forsendum náttúrunnar.
Íslendingar eru í einstakri stöðu þar sem aðeins 15% af orkunotkun landsmanna byggir á jarðefnaeldsneyti. Þess vegna geta orkuskiptin okkar engan veginn snúist um að auka raforkuframleiðslu um 124% eins og orkugeirinn hefur freistað að telja landsmönnum trú um.
Dagskrá
Hvernig líta orkuskiptin út með virðingu fyrir náttúrunni að leiðarljósi? – Ágústa Þóra Jónsdóttir, varaformaður Landverndar
Kynning á Orkuskiptastjóranum – Þar sem þú getur haft áhrif á forsendur orkunotkunar.
Pallborðsumræður. Steinunn Sigurðardóttir rithöfundur, Jón Þór Sturluson doktor í hagfræði og deildarforseti Viðskiptadeildar í Háskólanum í Reykjavík o.fl.
Auður Önnu Magnúsdóttir framkvæmdastjóri Landverndar sér um fundarstjórn.
