Bjarkir gróðursettar í Vigdísarrjóður til heiðurs verndara Landverndar

Share on facebook
Share on twitter
Share on email
Frú Vigdís Finnbogadóttir, verndari Landverndar fagnar nú 90 ára afmæli, Landvernd sendir henni heillaóskir og þakkir fyrir stuðning á liðnum áratugum. landvernd.is
Frú Vigdís Finnbogadóttir, verndari Landverndar fagnar nú 90 ára afmæli, Landvernd sendir henni heillaóskir og þakkir fyrir stuðning á liðnum áratugum. Samtökin koma til með að gróðursetja 90 bjarkir í Vigdísarrjóðri í Alviðru þegar frost fer úr jörðu.

Frú Vigdís Finnbogadóttir verndari Landverndar, er 90 ára í dag. Henni til heiðurs mun Landvernd gróðursetja 90 bjarkir í Alviðru í vor þegar frost fer úr jörðu.

Bjarkirnar níutíu munu festa rætur í Vigdísarrjóðri, sem myndaðist við gróðursetningu þegar 75 ára afmæli Vigdís var fagnað. Vigdísarrjóður hefur verið skjól þeim sem sækja fræðslu og útvist í Alviðru, jörð í eigu Landverndar og Árnesinga við Sogið undir Ingólfsfjalli.

 

Vigdísarrjóður í Alviðru, landvernd.is
Vigdís ásamt stjórn og starfsfólki Landverndar árið 2005 við gróðursetningu í Vigdísarrjóðri í Alviðru.

Frú Vigdís hefur um langt árabil verið verndari Landverndar; klettur sem stendur með samtökunum í blíð og stríðu. Hún hefur bæði hvatt til dáða og verið ráðagóð.

Stjórn og starfsmönnum Landverndar hefur hún veitt innblástur og stuðning, ekki síst þegar tekið hefur verið á erfiðum málum og ágjöfin er þung.

Landvernd óskar Vigdísi til hamingju með afmælið og þakkar samstarf og trausta liðveislu undanfarin ár.

„Hálendi Íslands á auðvitað að verða þjóðgarður“.
Vigdís Finnbogadóttir um hjarta landsins, miðhálendi Íslands. 

Share on facebook
Facebook
Share on twitter
Twitter
Share on email
Email
Scroll to Top