Afhending grænfána

Share on facebook
Share on twitter
Share on email
Grænfáninn er viðurkenning til skóla sem hafa unnið að umhverfismálum og menntun til sjálfbærni. Á myndinni má sjá umhverfisnefd Hvolsskóla og Jón Stefánsson kennara, landvernd.is
Grænfáninn er alþjóðleg viðurkenning til skóla sem hafa unnið að umhverfismálum og menntun til sjálfbærni. Landvernd fer með umsjón verkefnisins á Íslandi.

Skólar sem hafa stigið skrefin sjö á fullnægjandi hátt og uppfyllt að minnsta kosti fjögur af þeim fimm til sex markmiðum sem sett voru í upphafi tímabils verða þess heiðurs aðnjótandi að hljóta grænfánann, sem alþjóðlega viðurkenningu á því góða starfi sem fram hefur farið í skólanum. Grænfáninn er umhverfismerki sem nýtur virðingar víða í heiminum sem tákn um góða fræðslu og umhverfisstefnu í skólum. 

Standist skólinn úttekt, er afhending skipulögð. 

Skólinn getur óskað eftir dagsetningu fyrir afhendingu á umsóknareyðublaðinu og að úttekt lokinni er afhendingadagsetning sem hentar fundin í samráði við starfsmann Landverndar. 

Skólinn ákveður hvað gert er á afhendingardegi og boðar til afhendingar. Gaman er að gera sér dagamun í tilefni afhendingarinnar. Áhersla er lögð á að skólarnir bjóði upp á dagskrá í tilefni að afhendingu fánans. Tilvalið er að bjóða nemendum, starfsfólki, aðilum úr nærsamfélagi og þar sem það á við; foreldrum og nágranna skóla/leikskóla.

Nemendur taka við fánanum sem er dreginn að húni og viðurkenningarskjal er afhent fulltrúa starfsfólks. Hægt er að fá skilti í stað fána ef það hentar betur. 

Dagskráin getur t.d. falið í sér:

  • Ræðu frá nemendum í umhverfisnefnd
  • Tónlistaratriði, eða samsöngur
  • Listrænn gjörningur
  • Veitingar (umbúðalausar að sjálfsögðu)
  • o.fl.

Fulltrúi Landverndar (starfsmenn, fulltrúar út stjórn, frá nærsamfélaginu, sveitarstjórn eða aðrir fulltrúar) afhendir fánann og segir nokkur orð í athöfninni. Þegar fáninn hefur verið dreginn að húni er tímabært að skipa nýja umhverfisnefnd og hefja vinnu við skrefin sjö að nýju.

Share on facebook
Facebook
Share on twitter
Twitter
Share on email
Email
Scroll to Top