Lífið í vatninu, fræðsla fyrir skólahópa í Alviðru

Lækur rennur um mosavaxinn farveg. Alviðra.
Skoðum lífið í vatninu. Skólahópar eru velkomnir í heimsókn í Alviðru. Í þessari heimsókn kanna nemendur líf í vatni.

Fræðsludagskrá fyrir skólahópa í Alviðru.

Skoðum lífið sem leynist í vatninu!

Markmiðið með heimsókninni er að nemendur kynnist og sjái með eigin augum það líf sem leynist í vatninu.

Dagskrá

Jökulá, bergvatnsá, lækir, uppsprettur, tjarnir, úrkoma af ýmsu tagi: Allt þetta er að finna í Alviðru og lífið í vatninu er margvíslegt og forvitnilegt.

Stefnt er að því að í Alviðru verði fiskabúr með tegundum ferskvatnsfiska sem við náum í, þannig að nemendum gefist kostur á að sjá og jafnvel snerta einhverja þá fiska sem þau eru að læra um í skólanum.

Þetta gefur tækifæri til að skoða og sjá í návígi, byggingu fiskanna og hvernig hver líkamspartur þjónar sínum tilgangi. Uggar, sporður, tálkn og svo framvegis.

Víðsjár og smásjár gera okkur svo kleift að sjá smærri lífverurnar og velta fyrir okkur samhenginu í vistkerfi vatnsins.

Gengið verður að Soginu á öruggum stað, sýni tekin þar og/eða í bæjartjörninni og þau svo rannsökuð heima í Alviðru.

Dagskrána má aðlaga mismunandi aldurshópum og eru allir aldurshópar grunnskóla velkomnir.

Bókanir og fyrirspurnir

Senda má allar óskir um bókanir og fyrispurnir á netfangið hjordis(hja)landvernd.is

Jónsmessuganga í hlíðum Ingólfsfjalls við Alviðru, landvernd.is

Land og saga, fræðsla fyrir skólahópa í Alviðru

Hvað getum við komið auga á ef við lesum í landið? í þessari fræðsluheimsókn er sjónum er beint að jarðfræði og sögu lands og þjóðar. ...
Nánar
Þrastarungi við Gullfoss. Ljósmynd: Zach Goo

Til móts við vorið, fræðsla fyrir skólahópa í Alviðru

Vordagskrá fyrir skólahópa í Alviðru. Fuglarnir leika aðalhlutverk. Gengið verður um Þrastarskóg og fuglar skoðaðir með sjónauka.
Nánar
Alviðra í Ölfusi og Öndverðarnes eru einstakt útivistarsvæði þar sem hægt er að njóta náttúrulegs skógar og lífbreytileika.

Alviðra – Fræðslusetur Landverndar

ALVIÐRA Fræðslusetur Landverndar Alviðra er fræðslusetur Landverndar, þar sem boðið er upp á fræðslu um lífríkið og jarðfræði. Hafa samband Tjaldur á flugi við Alviðru. ...
Skoða

Ert þú í Landvernd?

Taktu afstöðu með náttúrunni og gakktu í Landvernd