Næsta úttektalota fer fram í september og október.
Að þessu sinni er tekið við umsóknum frá skólum á Suðausturlandi, Austurlandi, Norðurlandi eystra og Suðvesturland (að Hvolsvelli í austri og Snæfellsnesi í vestri).
Skólar sem hafa lokið við að stíga skrefin sjö sækja um grænfánaúttekt. Umsóknarfrestur fyrir tímabilið er 1. september. Sæktu um hér.
Lesa má meira um úttektir og hvað fer fram í þeim hér að neðan.
Umsókn um grænfána
Þegar skóli telur sig hafa tekið öll nauðsynleg skref að grænfána og náð markmiðum sínum, sækir hann um grænfánann. Send er rafræn umsókn og greinargerð um hvernig skrefin sjö voru stigin og hvernig unnið var að markmiðum.
Grænfánaúttekt og úttektalotur Skóla á grænni grein
Þegar umsókn hefur verið skilað kemur starfsmaður Skóla á grænni í grænfánaúttekt. Í úttekt skoðum við skólann og veitum ráðgjöf.
