Skólar á grænni grein fagna 20 ára afmæli grænfánans á Íslandi skólaárið 2021-2022. Við fögnum þessum tímamótum með fjölbreyttri afmælisdagskrá í hverjum mánuði.
Afmælisdagskrá skólaárið 2021-2022
Af hverju að fagna einu sinni þegar þú getur fagnað oft?
Á afmælisári Skóla á grænni grein fær hver mánuður sitt þema og fá þátttökuskólar senda litla afmælisfræðslupakka í hverjum mánuði.
Við hvetjum skóla til að opna pakkann og nýta það efni sem þeim hentar og þegar þeim hentar.
Skólar á grænni grein (Eco-schools) er alþjóðlegt menntaverkefni sem rekið er af Landvernd á Íslandi frá árinu 2001. Grænfáninn er alþjóðleg viðurkenning fyrir innleiðingu menntunar til sjálfbærni í skólastarfið og má finna skóla á grænni grein í 70 löndum í heiminum.
Verkefnið er stærsta sjálfbærni og umhverfismenntaverkefni í heimi og er haldið úti af samtökunum Foundation for Environmental Education.
Árið 2001 skráðu fyrstu skólarnir skráð sig í verkefnið en það voru Andakílsskóli á Hvanneyri, Fossvogsskóli og Selaásskóli. Stuttu síðar hófu leikskólar þátttöku og tók leikskólinn Norðurberg í Hafnarfirði af skarið. Í dag eru 200 skólar af öllum skólastigum víðsvegar um landið þátttakendur í verkefninu.
Afmælisráðstefna 4. febrúar 2022
Sameiginlegur hátíðardagur 25. apríl 2022
Takið frá daginn 25. apríl 2022! Við höldum upp á afmæli grænfánans. Við hvetjum skóla til að taka frá tíma á þessum degi og tileinka hann hátíðardagskrá grænfánans á sjálfum Degi umhverfisins.
