Í takt við tímann – Græn skref í átt að sjálfbærari framtíð – Vefnámskeið

Landvernd og Starfsmennt standa saman fyrir námskeiði sem snýr að valdeflingu almennings í umhverfismálum.

Námskeiðið fer fram rafrænt fimmtudaginn 7. október kl. 14-16. 

Það er mikilvægt að við séum öll með á nótunum um ástand heimsins og hvaða möguleika einstaklingar hafa til að hafa áhrif. Fjallað verður um mikilvæg mál sem varða okkur öll  svo sem sjálfbæra þróun, Heimsmarkmiðin og loftslagsmálin.

Á námskeiðinu verður góð blanda fyrirlestra, hópverkefna og leikja og verður varpað ljósi á þau tækifæri sem hver og einn hefur til að vera ábyrgur og framsýnn borgari.

Þátttakenndur munu í lok námskeiðsins búa til sinn eigin markmiða- og aðgerðalista um þau skref sem hann/hún vill taka til að minnka sitt vist- og kolefnisspor með sjálfbæra þróun að leiðarljósi.

Markmið

  • Að skilja hugtökin sjálfbær þróun, Heimsmarkmið Sameinuðu þjóðanna, vistspor og kolefnisspor.
  • Að skilja og vera meðvituð um ástæður og afleiðingar loftlagsbreytinga.
  • Að efla áhuga og vilja til að minnka eigið vist- og kolefnisspor.
  • Að búa til eigin aðgerðalista til að minnka vist- og kolefnisspor.
  • Að efla samvinnu og samfélagsanda með sjálfbærni að leiðarljósi.
  • Að efla getu til aðgerða.

Fyrirkomulag

Námskeiðið fer fram á netinu og samanstendur af erindum, samtali, skemmtilegum leikjum ásamt hóp- og einstaklingsverkefnum.

Kennarar á námskeiðinu eru Katrín Magnúsdóttir, BSc líffræðingur og MA í umhverfis- og þróunarmannfræði og Guðrún Schmidt sem er með MA gráðu í menntun til sjálfbærni.

 

Námskeiðið er samvinnuverkefni Landverndar og Starfsmenntar, hægt er að skrá sig hjá Starfsmennt.

Ert þú í Landvernd?

Taktu afstöðu með náttúrunni og gakktu í Landvernd
Scroll to Top