Goðafoss í Skjálfandafljóti er einstakt náttúrufyrirbrigði sem skal friðlýsa, sem og Skjálfandafljót allt, landvernd.is

Löngu tímabært að friðlýsa Goðafoss. Umsögn Landverndar

Landvernd styður heilshugar tillögu um friðlýsingu Goðafoss en telur rétt að nýta tækifærið og friðlýsa Skjálfandafljót allt.

Umsögn um tillögu að friðlýsingu Goðafoss í Þingeyjarsveit. Send Umhverfisstofnun.

Landvernd þakkar veittan frest til þess að skila umsögn um þetta mikilvæga mál. Stjórn Landverndar fagnar innilega tillögu að friðlýsingu Goðafoss í Þingeyjarsveit, sem náttúruvættis í samræmi við ákvæði 39. gr. laga nr. 60/2013 um náttúruvernd og styður tillöguna heilshugar.

Friðlýsingu Goðafoss fagnað

Það er fyrir löngu tímabært að friðlýsa Goðafoss og raunar merkilegt að það skuli ekki hafa verið gert fyrir áratugum síðan. Nú verður það tryggt að komandi kynslóðir geta einnig notið stórbrotinnar fegurðar og krafts Goðafoss um ókomna tíð.

Einstakt náttúrufyrirbrigði í Skjálfandafljóti

Þetta sérstaka náttúrufyrirbrigði í Skjálfandafljóti hefur einnig sterkar rætur í Íslandssögunni sem enn eykur á verðmæti hans fyrir Íslendinga. En þjóðsagan tengir Goðafoss kristnitökunni á Íslandi árið 1000 í gegnum söguna af Þorgeiri Ljósvetningagoða.

Goðafoss er afar mikilvægur fyrir alla Íslendinga. Hver sá sem kemur að Goðafossi fer ekki þaðan ósnortinn af hinum gríðalega krafti hans og mikilfengleik.

Friðlýsa ætti Skjálfandafljótið allt og bakka þess

Þó telur stjórn Landverndar að nota hefði átt tækifærið og friðlýsa Sjálfandafljótið allt og bakka þess enda er það í samræmi við niðurstöðu 3. áfanga rammaáætlunar. Friðlýsingarferli er tímafrekt með óeðlilega langa umsagnarfresti og því hefði mátt spara bæði tíma og vinnu hjá Umhverfisstofnun með því að gera tillögu um að friða fljótið allt.

Friðlýsing er gæfuspor fyrir þjóðina

Friðlýsing og verndun á náttúruperlunni Goðafossi er fagnaðarefni og mikilvægt gæfuspor fyrir þjóðina alla.

Virðingarfyllst,

f.h. stjórnar Landverndar

Auður Önnu Magnúsdóttir, framkvæmdastjóri

Nýlegar umsagnir

Klausturselsvirkjun

Stjórn Landverndar hefur sent Skipulagsstofnun umsögn þar sem fjöldi athugasemda er gerður við matsáætlun um risavaxið vindorkuver í landi Klaustursels á Fljótsdalsheiði.
Landvernd leggst alfarið gegn þessum áformum sem myndu valda óafturkræfum spjöllum á viðkvæmum heiðalöndum.

Lesa meira
Niðurdæling Co2

Niðurdæling Co2

Coda terminal hyggst nýta auðlindir Íslands í jörðu og farga úrgangi frá iðnaði í Evrópu. Skoða þarf verkefnið út frá umhverfisrétti í ljósi þess að viðtakinn kann að falla í flokk sem takmörkuð auðlind.

Lesa meira

Höfnum lögum sem virða lítils rétt almennings og náttúru Íslands

Landvernd skorar á Alþingi að fella úr gildi lög sem heimila veitingu bráðabirgðaleyfa til vissrar starfsemi þó að gilt umhverfismat hafi ekki farið fram.
Landvernd skorar einnig á Alþingi að hafna nýju frumvarpi sem kveður á um að öll starfsemi og framkvæmdir geti fengið bráðabirgðaleyfi án umhverfismats. Með þessu nýja frumvarpi er verulega dregið úr mikilvægi þess að umhverfisáhrif verði metin af alvöru, heldur draga lögin taum framkvæmdaaðila, t.d. í fiskeldi.

Lesa meira

Klausturselsvirkjun

Stjórn Landverndar hefur sent Skipulagsstofnun umsögn þar sem fjöldi athugasemda er gerður við matsáætlun um risavaxið vindorkuver í landi Klaustursels á Fljótsdalsheiði.
Landvernd leggst alfarið gegn þessum áformum sem myndu valda óafturkræfum spjöllum á viðkvæmum heiðalöndum.

Lesa meira
Niðurdæling Co2

Niðurdæling Co2

Coda terminal hyggst nýta auðlindir Íslands í jörðu og farga úrgangi frá iðnaði í Evrópu. Skoða þarf verkefnið út frá umhverfisrétti í ljósi þess að viðtakinn kann að falla í flokk sem takmörkuð auðlind.

Lesa meira

Höfnum lögum sem virða lítils rétt almennings og náttúru Íslands

Landvernd skorar á Alþingi að fella úr gildi lög sem heimila veitingu bráðabirgðaleyfa til vissrar starfsemi þó að gilt umhverfismat hafi ekki farið fram.
Landvernd skorar einnig á Alþingi að hafna nýju frumvarpi sem kveður á um að öll starfsemi og framkvæmdir geti fengið bráðabirgðaleyfi án umhverfismats. Með þessu nýja frumvarpi er verulega dregið úr mikilvægi þess að umhverfisáhrif verði metin af alvöru, heldur draga lögin taum framkvæmdaaðila, t.d. í fiskeldi.

Lesa meira

Lögum breytt í þágu náttúrunnar

Með nýju frumvarpi til laga um úrskurðar- og auðlindanefnd yrði almenningi og umhverfissamtökum loks tryggður sami réttur og framkvæmdaaðilum til að beita sér í málefnum náttúrunnar.

Lesa meira

Svona hefur Landvernd áhrif

Landvernd hefur áhrif á stefnumótun og ákvarðanatöku í umhverfismálum með því að skrifa umsagnir, álykta um málefni tengd umhverfisvernd og náttúruvernd. Landvernd krefst þess að farið sé að lögum og hefur látið reyna á nokkur mál fyrir dómi.

Náttúruvernd er loftslagsvernd

Félagar í Landvernd láta sig náttúruna varða. Vertu með í Landvernd og hafðu áhrif. 

Scroll to Top