Nóvember er einn neysluríkasti mánuður ársins með sínum svarta föstudegi, netmánudegi og degi einhleypra. Nægjusamur nóvember er hvatningarátak. Mótsvar við neysluhyggju og hugmyndinni um að okkur vanti stöðugt eitthvað.
Í nóvember ætlum við að tileinka okkur nægjusemi og hvetjum sem flest að vera með!
Þessi vefur mun taka breytingum því lengra sem líður á mánuðinn. Hér munu birtast upplýsingar um viðburði, greinaskrif, fræðslu, verkefni fyrir vinnustaði og skóla o.fl.
Fylgstu með Nægjusömum nóvember á TIKTOK !
Nægjusemi er...
Jákvæð
Þau sem lifa nægjusömu lífi fá sjaldan þá tilfinningu að þau skorti eitthvað, því nægjusemi er hugsunarháttur allsnægta.
Auðveld
Við njótum lífsins núna og eyðum ekki orku í að hugsa um að allt verði betra þegar við náum að eignast ákveðna hluti í framtíðinni.
Valdeflandi
Nægjusemi er eitt af því öflugasta sem við sem einstaklingar geta gert til þess að minnka vistsporið okkar.
Nauðsynleg
Við göngum minna á náttúruna og á rétt núverandi og komandi kynslóða á góðu lifi.
Greinar um nægjusaman nóvember
„Að hafa eða að vera“ snýst um hvað gerir líf fólks raunverulega merkingarbært og opnar augu lesandans fyrir afleiðingum neyslumenningarinnar. Skilaboðin eru m.a. að sönn hamingja felist ekki í því að hafa, heldur í því að vera.
“Gott líf má ekki kosta okkur Jörðina og ekki heilsuna heldur.” Hér skrifar Guðrún Schmidt um mikilvægi þess að horfa á núverandi hagkerfi gagnrýnum augum. Í raun sé sá vöxtur sem við ættum að rækta er vitsmunalegur, siðferðilegur, félagslegur og andlegur.
Nóvember er mánuður tilboða og freistinga, okkur er stöðugt talin trú um að við þurfum meira. Hvatningarátakið Nægjusamur nóvember snýr þessari hugsun á hvolf og minnir okkur á að við eigum oft nóg ef við gefum okkur tíma til að taka eftir því og njóta þess.
Nægjusemi sem mikilvægt gildi fyrir alla
Ímyndaðu þér líf þar sem þú upplifir þakklæti, gleði, hamingju, rósemd og sátt. Ef þú hefur tileinkað þér nægjusemi er líklegt að þú upplifir einmitt þessar tilfinningar. Ímyndaðu þér síðan hvaða áhrif nægjusemin hefði á samfélagið í heild.
Hugleiðingar Þorgerðar Maríu formanns Landverndar um nægjusemi. Þorgerður fjallar um áhrif tilboðsdaga á hegðun og líðan, líklega eitthvað sem margir kannast við.
Hvatning, taktu þátt í nægjusömum nóvember
Grein Guðrúnar Schmidt um neyslu og nægjusemi. Neyslumöguleikar okkar í dag virðast nær takmarkalausir og aðallega háðir efnum en ekki þörf. það þarf að endurstilla neyslumenningu okkar.
Veljum nægjusemi, ekki bara í nóvember heldur gerum hana að lífsstíl okkar alla daga.
Landvernd og Grænfáninn þakkar samstarfsaðilum og almenningi fyrir góðar undirtektir. Við mætum sterk til leiks að ári og höldum áfram að minna á nægjusemina!
Rannsóknir sýna að þessi fimm atriði sem skipta hvað mestu máli fyrir vellíðan okkar.
Leikir og hugvekjur
Leikir og hugvekjur sem tilvalið er að nýta sér í Nægjusömum nóvember hvort sem það er með fjölskyldunni, á vinnustaðnum, í saumaklúbbnum, vinahópnum eða kennslustofunni.
Viðtöl
Gætir þú verið með hlutaveiki?
Þorgerður María Þorbjarnardóttir, formaður Landverndar fræddi hlustendur Bítisins um Nægjusaman nóvember. Viðtalið má finna hér
„Prógrammerað í mann að kaupa hluti til að gera vel við sig“
Þorgerður María formaður Landverndar mælir með því að vera með lista yfir það sem manni vantar. Ef það er ekki á listanum þá þarf ekki að kaupa það. Viðtalið má finna hér
Nægjusamur nóvember – mótsvar Landverndar við neysluhyggju
Viðtal við Guðrúnu Schmidt um m.a. ástæðu þess að Landvernd stendur fyrir hvatningarátakinu Nægjusamur nóvember. Viðtalið má lesa hér
Nægjusamur nóvember er hvatningarátak Landverndar og Grænfánaskóla í samstarfi við Norræna húsið og Saman gegn sóun.
