Landvernd skilaði umsögn um rekstrarleyfi vegna sjókvíaeldis Kaldvíkur hf. í Seyðisfirði með allt að 10.000 tonna hámarkslífmassa af laxi. Umhverfisáhrif af opnu sjókvíaeldi eru mikil, margvísleg og óumdeild. Sjókvíaeldisiðnaðurinn af þeirri stærðargráðu eins og hann hefur byggst upp á Íslandi í dag er í öllum grundvallaratriðum ósjálfbær og getur valdið miklum skaða á vistkerfum og setur auk þess framtíð villta laxastofnsins í hættu sem hefur sýnt sig nú þegar. Að auki eru íbúar mótfallnir sjókvíaeldi í Seyðisfirði.
Landvernd hvetur almenning til þess að skrifa nafn sitt á undirskriftarlista gegn áformunum.
Sú staðreynd að um 75% íbúa Seyðisfjarðar, samkvæmt skoðanakönnun Gallup frá 20231, eru á móti sjókvíaeldi í firðinum sínum ætti að vera nóg ástæða fyrir Kaldvík til að draga áform sín til baka í stað þess að reyna að þvinga þeim upp á heimamenn. Auk þess eru 61% landsmanna neikvæð gagnvart laxeldi í opnum sjókvíum, samkvæmt nýrri skoðanakönnun Gallup (nóvember 20242.)
Öll rök hníga að því að ekki skuli leyfa sjókvíaeldi í Seyðisfirði en áhættumat er vanunnið og hægt að sýna fram á með nokkuð einföldum hætti að ofanflóðahætta er töluverð. Sjá mynd:
hagsmunir almennings, frjálsra félagasamtaka og náttúrunnar eiga að vega þyngra en hagsmunir eins fyrirtækis sem ber að virða íbúalýðræði en hefur ekki gert. Íbúar Seyðisfjarðar og í raun landsins alls hafa lögmætar væntingar um að það verði hætt við öll sjókvíaeldisáform í Seyðisfirði.Laxeldi í opnum sjókvíum er ekki í takt við tímann og tilheyrir ekki framtíðarsýn í umhverfis-, dýravelferðar- og sjálfbærnimálum.
Með vísan í ofangreind atriði krefst Landvernd að tillaga að rekstrarleyfi Kaldvíkur verði dregin til baka og umsókn um rekstrarleyfi hafnað!
- https://www.visir.is/g/20232379459d
- https://www.visir.is/g/20232386916d/fjorum-sinnum-fleiri-neikvaedir-en-jakvaedir-gagnvart-sjokvieldi
Umsögnina má finna í heild sinni hér: Landvernd-sjokviaeldi-Seydisfjordur
