Sitjandi hópur fólks forgrunni, halda öll á grænum atkvæðaseðlum upp í loftið. Aðalfundur Landverndar er haldinn ár hvert.

Aðalfundur Landverndar 2021 haldinn 12. júní

Share on facebook
Share on twitter
Share on email
Aðalfundur Landverndar 2021 fer fram í Reykjavík laugardaginn 12. júní nk. Aðgengi er gott fyrir fólk með hreyfihömlun. Mikilvægt er að skrá sig á fundinn.

Aðalfundur Landverndar 2021

Stjórn Landverndar boðar til aðalfundar samtakanna laugardaginn 12. júní í sal Ferðafélags Íslands, Mörkinni 6, 108 Reykjavík. Innskráning og afhending atkvæðaseðla hefst kl. 10:30.

Aðgengi er gott fyrir fólk með hreyfihömlun.

Mikilvægt er að skrá sig á fundinn fyrirfram.

Í stjórn Landverndar sitja tíu manns. Á aðalfundi 2021 verður kosið um formann stjórnar til tveggja ára og fjóra stjórnarmenn til tveggja ára. 

Allir kjörgengir félagsmenn geta boðið sig fram á fundinum. Þeir sem vilja tilkynna um framboð fyrirfram eru beðnir um að senda tölvupóst á ghg (hjá) hi.is. 

Við hvetjum ykkur til að mæta og hafa áhrif á stefnu og störf samtakanna. Við minnum á að þau sem enn skulda félagsgjöld verða að hafa greitt þau fyrir aðalfund til að tryggja sér atkvæðisrétt og kjörgengi á fundinum. Jafnframt hvetjum við ykkur til að taka nýja félaga með á fundinn. Hægt verður að greiða félagsgjöld á fundinum.

Dagskrá aðalfundar Landverndar

10:30 Húsið opnar
10:45 Páll Stefánsson ljósmyndari, lýsir tilbrigðum í náttúru Íslands
11:00 Setning aðalfundar og kjör fundarstjóra og fundarritara
11:00 Aðalfundarstörf

  • Kosning í nefndir fundarins, kjörnefnd, allsherjarnefnd og laganefnd
  • Skýrsla stjórnar
  • Kynning ársreiknings og hann lagður fram til samþykktar
  • Kjör endurskoðanda og skoðunarmanna reikninga
  • Kynning frambjóðenda til stjórnar og kosning – (Heimilt er að veita öðrum skráðum félaga umboð sitt á aðalfundi. Hver einstaklingur getur þó aldrei farið með fleiri en tvö atkvæði – sjá 13 gr. Laga. Landverndar).
  • Kosning endurskoðanda og skoðunarmanna reikninga

12:00 Tillaga stjórnar að lagabreytingu félagsins – kynning og umræða

12:30 Hádegisverður

13:05 Kynningar á verkefnum Landverndar
13:15
Ályktanir aðalfundar – kynning og umræða
14:00 Hugvekja – Steinunn Sigurðardóttir, rithöfundur
14:15 Kjör heiðursfélaga Landverndar og ávarp heiðursfélaga
14:25 Niðurstaða stjórnarkjörs

14:45 Kaffi

15:00 Kosning um ný lög Landverndar
15:10 Afgreiðsla ályktana
15:40 Önnur mál
16:00 Aðalfundi slitið og boðið upp á léttar veitingar

Fundargögn:
Sex ályktanir sem lagðar verða fram á fundinum
Endurskoðuð tillaga að ályktun um Hálendisþjóðgarð
Tillögur að lagabreytingum
Lagabreytingartillaga frá Áskeli Þórisson, stjórnarmanni í Landvernd

Stakihnjúkur við Tungnaá. Forsíða ársrits Landverndar 2021. Skýrsla stjórnar lögð fram á aðalfundi Landverndar.
Smelltu á ritið til að lesa.

Þessi grein hefur verið uppfærð

Fréttin var uppfærð 3. maí 2021.
Aðalfundur Landverndar verður haldinn 13. maí 2021 kl. 11.

Share on facebook
Share on twitter
Share on email
Scroll to Top