Námsefni frá Norrænu ráðherranefndinni um tískusóun, matarsóun og raftækjasóun.

Hefur þú velt því fyrir þér hverju þú fleygir í ruslið? Og hvað heldur þú að úrgangurinn sé mikill á einu ári? Ef við gerum ráð fyrir því að við fleygjum um 2 kg í ruslafötuna daglega alla 365 daga ársins, getum við reiknað út að hver og einn fleygir u.þ.b. 730 kg í ruslið árlega. Þetta verður mikill úrgangur þegar við erum mörg, t.d. allir nemendur í einum bekk. Gætum við notað eitthvað af þessu aftur eða á annan hátt?

Á dögunum gaf Norræna ráðherranefndin í samstarfi við Landvernd út námsefni um úrgangsforvarnir. Námsefnið er ætlað miðstigi og efri bekkjum grunnskóla en þó má nota það í náttúrufræðikennslu og tæknimennt allra skólastiga.

Námsefnið nefnist Af stað með úrgangsforvarnir og skiptist það í nemendahefti og kennsluleiðbeiningar.

Fjallað er um tískusóun, matarsóun, raftækjasóun

Í heftunum er að finna fjölda skemmtilegra verkefna sem fjalla um hvernig við getum komið í veg fyrir myndun úrgangs frá fatnaði, mat og rafeindatækjum.

Námsefnið má nálgast hér:

Nemendahefti

Kennsluleiðbeiningar

Kynning Margrétar Hugadóttur og Rannveigar Magnúsdóttur á námsefninu á ráðstefnu Skóla á grænni grein árið 2017 má skoða hér.