Brennisteinsfjöll liggja í 400-500 m hæð yfir sjó á einu stærsta óbyggða víðerni í grennd höfuðborgarsvæðisins og er svæðið vinsælt til alls kyns útivistar. Þau þykja sérstök vegna fjölbreyttra jarðmyndana sem þar finnast, þar með talið jarðhitaummerkja, gígaraða, móbergshryggja, dyngja og hraunbreiða. Bláfjöll eru oft felld undir þetta sama eldstöðvakerfi. Talið er að hægt sé að virkja 25 MW á svæðinu en virkjunarhugmyndir falla í verndarflokk.