Eftir París, hver er staða loftslagsmála? landvernd.is

Eftir París: Loftslagsbreytingar, staða og framtíðaráskoranir.

Share on facebook
Share on twitter
Share on email
Yfir 100 manns sóttu fyrirlestur Landverndar um Parísarsamninginn, efni hans og framtíðaráskoranir sem haldinn var í Safnahúsinu við Hverfisgötu.

Landvernd bauð til fyrirlestrar um loftslagsmál í Safnahúsinu við Hverfisgötu þriðjudaginn 2.febrúar undir heitinu Eftir París: loftslagsbreytingar- staða og framtíðaráskoranir þar sem farið var yfir Parísarsamkomulagið og hvaða þýðingu það hefði alþjóðlega og á Íslandi.

Yfir 100 manns sóttu fundinn og hlýddu þar á erindi Huga Ólafssonar, frá umhverfis- og auðlindaráðuneytinu og Árna Finnssonar, formanns Náttúruverndarsamtaka Íslands um Parísarsamninginn og þýðingu hans. Að erindum loknum voru pallborðsumræður þar sem Snorri Baldursson, formaður Landverndar, Hrönn Hrafnsdóttir, umhverfis- og skipulagssvið Reykjavíkurborgar og Nína M. Saviolidi, pistlahöfundur á Grugg.is, sátu í pallborði.

Líflegar umræður sköpuðust í lok fyrirlestrar þar sem gestir ræddu meðal annars um aðgerðaráætlun ríkisstjórnarinnar í loftslagsmálum, sjálfbæran lífsstíl, mögulega styrki til nýsköpunar innan fyrirtækja sem vilja snúa sér að umhverfisvænni vinnsluaðferðum og fyrirhugaða olíuleit Íslendinga.

Morgunblaðið var með ítarlega umfjöllun um fundinn sem lesa má hér og RÚV var með umfjöllun sem finna má hér

Share on facebook
Facebook
Share on twitter
Twitter
Share on email
Email
Scroll to Top