Náttúra sem hefur glatast eða er í hættu á að glatast er í aðalhlutverki á margmiðlunarsýningunni Enginn veit hvað átt hefur fyrr en misst hefur. Sýningin stendur
Kristín Amalía Atladóttir, stjórnarkona Náttúruverndarsamtaka Austurlands segir frá sýningunni
Stórbrotin einstök náttúra í hættu
Á Íslandi er stórkostleg náttúra, einstök á heimsmælikvarða. Sýningin vekur athygli á stöðum sem eru í hættu eða hefur verið fórnað fyrir virkjunarframkvæmdir.
Svæði í hættu geta átt það á hættu að vera sökkt í kaf eða þurrkuð upp.
Hvað er í húfi?
Ísland er einstakt með sinni stórbrotnu og lítt snortnu náttúru með samspili jarðhita og jökla, gljúfra og gilja, stórra fjalla og fjölmargra vatnsfalla, víðáttumikilla auðna og viðkvæms gróðurs í óbyggðum víðernum sem eiga engan sinn líka. Það eru verðmæti sem ekki verða mæld í krónum og aurum, en verða þó sífellt meiri eftir því sem þau eru látin ósnortin lengur. Átökin um þessi verðmæti hafa staðið í áratugi og mikið hefur glatast vegna stórra framkvæmda eins og orkuvinnslu.
Viðkvæmt dýralíf landsins háð náttúrunni
Hið dýrmæta en viðkvæma dýraríki landsins í samspili við fyrrnefndar náttúruperlur er einnig í kastljósi sýningarinnar en óvenju lifandi og skemmtilegar myndir um villt dýr á Íslandi eru hluti hennar.
Ljósmynd með færslu: Horft af Hraunasvæði í átt til héraðs. Ljósmynd: Andrés Skúlason
Margmiðlunarsýningin Enginn veit hvað átt hefur fyrr en misst hefur er samsýning Landverndar og Ólafs Sveinssonar í samstarfi við NAUST – Náttúruverndarsamtök Austurlands og Sláturhúsið.
Sýningin verður formlega opnuð laugardaginn 3. október 2020 kl. 17:00. Eftir það verður hún opin alla virka daga frá 10:00 – 16:00, Einnig verður opið helgina 17. og 18. október kl. 14:00 – 18:00. Sýningunni lýkur 23. október 2020.
Aðgangur er ókeypis og allir hjartanlega velkomnir.
