Geysir er einn fjölsóttasti ferðamannastaður landsins með fjölda goshvera og lauga auk hverahrúðurs er þekur stór svæði í kring. Geysir sjálfur er án efa einn hinn nafntogaðasti og þekktasti sinnar tegundar í heiminum og heillaði snemma langt að komna ferðalanga. Hann gýs sjaldan núorðið, en granni hans Strokkur er mjög virkur. Þessi mikla náttúruperla var friðlýst sem náttúruvætti á þjóðhátíðardegi Íslendinga 17. júní 2020 og tæpu ári síðar gagnvart orkuvinnslu. Virkjanegt afl Geysissvæðisins er áætlað um 25 MW.