Loftslagsjól – 50 gjafahugmyndir

Ég tel mér trú um að ég sé ekki sú eina sem á eftir að redda jólagjöfunum. Síðustu ár hefur mér tekist að einfalda og minnka gjafa innkaupin og um leið fjölga samverustundum. Svo skemmtilega vill til að samverustundir eru jólagjöf ársins, samkvæmt Rannsóknarsetri verslunarinnar. Það er sannarlega þróun í rétta átt, því ef við lítum til baka; eru það ekki akkúrat samverustundirnar sem skapa þessar ljúfu æskuminningar um jólin?

Það er þó eitthvað nostalgískt og notalegt við vel skreytta jólapakka sem bíða eftir manni undir trénu. Ég gæti ekki hugsað mér að sleppa alveg takinu af þeim og hugsa að fleiri séu á sama stað. 

Mig langar því að deila með ykkur 50 hugmyndum að loftslagsvænum jólagjöfum sem koma beint frá sjálfboðaliðum Landverndar. Flestar gjafahugmyndirnar bíta ekki í veskið og krefjast þess ekki endilega að leitað sé langt út fyrir heimilið. 

50 hugmyndir að loftslagsvænum jólagjöfum

Þú getur gefið:

Mat

• uppskrift og allt sem þarf í hana

• heimagert konfekt

• heimagerðar smákökur eða múslí

• krydd, kaffi eða sérbúna matarkörfu

• gjafakort í Nándina matarbúð

Samveru

• óvissuferð

• matarboð

• göngutúr saman með nesti

• gjafakort út að borða saman

• dekurferð í náttúruna, með teppi og kakó

• hugleiðslustund með þér í Lótushúsinu

Til mannúðarmála eða umhverfismála

• gjöf fyrir náttúruna frá Landvernd

• gjafir til góðra verka frá Rauða krossinum 

• sokka frá Amnesty International

• sanna gjöf frá Unicef

• gjöf sem gefur frá Hjálparstarfi kirkjunnar

• gjafabréf frá ABC barnahjálp

Handverk og listir

• eitthvað prjónað

• ljóð eða lag

• teikningu eða málverk

• skúlptúr

• leikþátt eða uppistand

• rafrænt námskeið

• fallegt kort með hlýjum orðum til viðkomandi

Upplifun

• leikhús

• bíó

• tónleika

• óskaskrín

• sýndarflug yfir Ísland

• axarkast

• bogfimi

• gjafakort Ferðafélags Íslands

Skref í átt að sjálfbærni

• strætókort

• góðar bækur

• gjafabréf í fataverslanir Rauða krossins 

• afleggjara af blómi sem þú átt

• súrdeigsmóður

• bokashi-jarðgerðartunnu

• gjafakort í verslanir sem huga að umhverfismálum

Áskrift

• í Munasafnið (Reykjavík tool library)

• menningarkort Reykjavíkur

• áskrift að te eða kaffi 

• blaðaáskrift

• bókasafnskort

Þjónustu

• barnapössun

• nudd

• fjallaleiðsögn

• skutl

• aðstoð á heimilinu (t.d. við þrif eða flutninga)

Heimagerða snyrtivöru eða uppskrift að:

• baðbombu

• sápustykki

• svitalyktareyði

• saltskrúbb

• kinnalit eða sólarpúður

Greinin birtist fyrst á heimildin.is 11. desember 2023