Umhverfismat verði endurtekið

Share on facebook
Share on twitter
Share on email
Bjarnarflag, landvernd.is
Sérfræðingar Umhverfisstofnunar, þau Aðalbjörg Birna Guttormsdóttir og Björn Stefánsson, telja að endurmeta ætti áhrif virkjunarinnar með hliðsjón af því hvernig tekist hefur til við sambærilega losun í öðrum háhitavirkjunum. Þetta verði gert í ljósi mikilvægis Mývatns, sbr. lög um verndun vatnsins. Markmið laganna sé að tryggja að vistfræðilegu þoli svæðisins verði ekki stefnt í hættu af mannavöldum og tryggja vernd líffræðilegrar fjölbreytni.

Morgunblaðið skrifar 10. oktober 2012

Fram kemur í nýlegri umsögn Umhverfisstofnunar um breytt deiliskipulag Bjarnarflagsvirkjunar að þar sem langur tími sé liðin síðan umhverfismat fór fram ætti að endurmeta áhrif allrar losunar affallsvatns frá virkjuninni. Umsögnin er send skipulagsfulltrúa Þingeyjarsveitar og Skútustaðahrepps.

Sérfræðingar Umhverfisstofnunar, þau Aðalbjörg Birna Guttormsdóttir og Björn Stefánsson, telja að endurmeta ætti áhrif virkjunarinnar með hliðsjón af því hvernig tekist hefur til við sambærilega losun í öðrum háhitavirkjunum. Þetta verði gert í ljósi mikilvægis Mývatns, sbr. lög um verndun vatnsins. Markmið laganna sé að tryggja að vistfræðilegu þoli svæðisins verði ekki stefnt í hættu af mannavöldum og tryggja vernd líffræðilegrar fjölbreytni.

Jafnframt er bent á í umsögn Umhverfisstofnunar að Mývatn og Laxá séu einnig á skrá um alþjóðlega mikilvæg votlendissvæði samkvæmt Ramsarsáttmálanum sem hafi alþjóðlegt verndargildi. Ísland hafi skuldbundið sig til þess að framfylgja þeim samningi.

Guðmundur Hörður Guðmundsson, formaður Landverndar, segir að þessi umsögn sé í anda þess sem samtökin hafa bent á. Þau hafa í bréfi til Landsvirkjunar farið fram á að undirbúningsframkvæmdir í Bjarnarflagi verði stöðvaðar. Haft hefur verið eftir stjórnarformanni Landsvirkjunar að stjórnin komi saman til fundar síðar í mánuðinum og þá verði erindi Landverndar svarað skriflega.

Share on facebook
Facebook
Share on twitter
Twitter
Share on email
Email
Scroll to Top