Nemendurnir Hera Björk, Magnús og Margrét Eva
frá Garðaskóla gerðu hlaðvarp um umhverfismál og covid. Í hlaðvarpinu, sem ber heitið „Áhrif covid á umhverfið“ tóku nemendur til dæmis viðtal við Stefán Gíslason, umhverfisstjórnunarfræðing og Sævar Helga Bragason, rithöfund og umhverfisfréttamann.
Að mati fjölmiðladómnefndar var þátturinn þeirra einstaklega flottur.
Hlaðvarp er gríðarlega ört vaxandi miðill sem hefur upp á mikið að bjóða, sér í lagi þegar fjallað er um brýn málefni eins og hér. Hér er á ferðinni metnaðarfullt verkefni sem er vel undirbúið, vel framkvæmt og vel frágengið.
Í þættinum spyrja nemendur sérfræðinga í umhverfismálum út í það hvernig áhrif covid hefur haft á umhverfismálin, hvernig við getum brugðist við loftslagshamförum í miðjum heimsfaraldi og fleira.
Hlustaðu á þáttinn á Soundcloud
Verkefnið Ungt umhverfisfréttafólk hjá Landvernd er ætlað ungu fólki og snýst um að kynna sér umhverfismál og miðla upplýsingum til almennings með fjölbreyttum leiðum.
Ársrit Landverndar 2019-2020
Landvernd fagnaði hálfrar aldar afmæli á árinu og voru áskoranir margar. Ársrit Landverndar er lagt fram á aðalfundi samtakanna sem skýrsla stjórnar.
Þverá á Langadalsströnd
Þverá á Langadalsströnd rennur af hálendinu sunnan Drangajökuls. Vatnasvið hennar er hluti af stærstu samfelldu víðernum Vestfjarða.
Stígum varlega til jarðar – álag ferðamennsku á náttúru Íslands
Andrés fjallaði um að álag væri of mikið á sumum ferðaleiðum og það hafi leitt til skemmda á landi, og því væri mjög brýnt að fara í úrbætur og uppbyggingu þeirra. Til þess þyrfti að stórefla fagmennsku við slíkar úrbætur, ef tryggja ætti framtíð ferðaþjónustunnar í sátt við náttúru landsins.
Hörð gagnrýni á Vegagerðina og Skipulagsstofnun
Landvernd hefur kært ákvörðun Skipulagsstofnunar um að ekki skuli meta umhverfisáhrif vegagerðar um Kjöl. Landvernd telur að Skipulagsstofnun hafi við meðferð málsins brotið gegn löggjöf um umhverfismat framkvæmda, umhverfismat áætlana og rannsóknarreglu stjórnsýslulaga.
Hvað getum við gert? Gerum það!
Nemendur skoða hvað þeir geta gert til að styðja við loftslagið, umhverfið og náttúruna og framkvæma það. Verkefni fyrir 10-16 ára.
Skilaboð frá ungu kynslóðinni – Svona viljum VIÐ hafa það
Við verðum að virða náttúruna, standa saman, breyta loforðum í aðgerðir, endurhugsa lífsstílinn okkar og átta okkur á því að við getum ekki étið peninga.
Nemendurnir deildu fjórum ráðum til þess að forðast matarsóun:
- Að skipuleggja innkaupin vel. Ef þú kannt að skipuleggja þig vel ættir þú að getað keypt passlega mikið af mat inn á heimilið þitt. Gott er að gera matarplan fyrir t.d. kvöldmat út vikuna svo það er léttara fyrir þig að kaupa inn mat. Út frá matarplaninu getur þú farið í búð með góðann lista og þá kaupir þú ekki of mikið af óþarfa.
- Að borða afganga. Ef þú eldar óvart of mikið í kvöldmat er mjög sniðugt að borða afgangs kvöldmat í hádeginu daginn eftir. Einnig ef aftur er byrjað að tala um skipulag er mjög sniðugt að elda smá meira en þarf á kvöldin og vera búin að ákveða að borða það í hadeginu daginn eftir því það sparar t.d. rafmagn vegna þess að annars þyrftir þú einnig að elda þér hádegismat.
- Að raða vel í ísskápinn. Ef illa er raðað er mikil hætta á því að matur sem er að renna út vegna dagsetningar endi aftast og það leiðir að því að það þarf að henda honum. Þetta er mikilvægast þegar það kemur vörum sem skemmast léttilega.
- Huga að því að síðasti söludagur er ekki síðasti notkunardagur. Síðasti söludagur er í raun einungis dagurinn sem varan þarf að hætta í sölu en ekki í notkun. Sama þó að síðasti notkunardagur er liðinn á vöru er best að nota nefið.
