Umsagnir

Landvernd leitast við að hafa áhrif á stefnumótun og ákvarðanatöku í umhverfismálum með því að senda inn umsagnir um frumvarpsdrög, þingmál, skipulagsáætlanir, einstakar framkvæmdir og margvíslega áætlanagerð sem viðkemur umhverfismálum.

Tímalína og gögn vegna breytinga á starfsreglum rammaáætlunar

Á undanförnum tveimur vikum hefur Landvernd aflað sér gagna um aðdraganda að gerð nýrra draga um starfsreglur verkefnisstjórnar rammaáætlunar, sem umhverfis- og auðlindaráðuneytið birti á vefsíðu sinni 2. febrúar sl. Landvernd óskaði eftir gögnum í umhverfis- og auðlindaráðuneyti og atvinnuvegaráðuneyti. Landvernd hefur gagnrýnd að drögin endurspegli kröfur Landsvirkjunar. Gögn málsins hafa sýnt fram á að aðkoma Landsvirkjunar að gerð draganna var með tvennum hætti: 

a) Landsvirkjun átti fund með umhverfis- og auðlindaráðuneytinu í ágúst 2015 og lagði þar fram kröfur sínar um breytingar á starfsreglunum.

b) Landsvirkjun gafst kostur á, einu orkufyrirtækja, að gera athugasemdir við fyrstu drög að breyttum starfsreglum í lok janúar. Engin náttúruverndarsamtök, útivistarhópar eða ferðaþjónustan hafði samsvarandi aðkomu. Aðkoma Landsvirkjunar var í gegnum atvinnuvegaráðuneytið sem bað fyrirtækið um að senda sér athugasemdir en halda þeim upplýsingum fyrir sig að sinni. 

Allan þennan feril má lesa í gögnum málsins. Hér að neðan er sýnd tímalína í málinu. Í viðhengjum er svo að finna öll þau gögn sem Landvernd hefur borist í málinu.

TÍMALÍNA

1) 22. maí 2015             

Starfsreglur verkefnisstjórnar verndar- og orkunýtingaráætlunar (rammaáætlunar) samþykktar í Umhverfis- og auðllindaráðuneytinu (UAR).

2) 17. ágúst 2015

Landsvirkjun (LV) fær fund með UAR (embættismönnum og aðstoðarmanni ráðherra (skjal nr. 1 í gagnapakka). Þar gagnrýnir LV starfreglurnar og fer fram á að þeim verði breytt. Afhendir UAR bréf þess efnis (skjal nr. 2 og 3). Ráðuneytið segist munu fara yfir málið (skjal nr. 1).

3) 12. nóvember 2015

Landsvirkjun ítrekar erindi sitt til UAR (skjal nr 4).

4) 7. desember 2015

UAR svarar bréfi/erindi Landsvirkjunar (skjal nr. 5). Þar kemur m.a. sú lagatúlkun UAR að Orkustofnun beri að senda verkefnisstjórn RÁ þá virkjanakosti sem séu nægilega skilgreindir til að vera teknir í mat, en eigi ekki ákvörðunarvald um hvort endurmeta skuli virkjunarkosti í gildandi rammaáætlun.

5) 11. janúar 2016

UAR sendir fyrstu drög að breytingum á starfsreglunum til lögbundinna samráðsaðila, þ.e.a.s. atvinnuvega- og nýsköpunarráðuneytis (ANR) (skjöl nr. 8 og 13) og verkefnisstjórnar RÁ (skjöl nr. 7 og 13).

6) 13. janúar 2016

ANR fær athugasemdir Orkustofnunar, undirstofnunar ráðuneytisins, við tillögur UAR. (skjal nr. 14)

7) 15. janúar 2016

Verkefnisstjórn rammaáætlunar skilar athugasemdum sínum við tillögur UAR (skjöl nr. 9 og 10)

8) 19. janúar 2016

ANR sendir UAR tillögur sínar að breytingum á starfsreglunum. (skjöl nr. 11 og 15)

9) 22. janúar 2016

ANR sendir Landsvirkjun afrit af tillögum ANR til UAR. Í bréfi ANR til Landsvirkjunar segir að það væri gagnlegt fyrir atvinnuvegaráðuneytið að fá strax fram athugasemdir Landsvirkjunar við þessi fyrstu drög. Jafnframt biður starfsmaður ráðuneytisins móttakanda hjá Landsvirkjun um að „halda þessu fyrir [sig] að sinni.“ (skjal frá ANR)

10) 26. janúar 2016

Landsvirkjun sendir UAR ítrekun á athugasemdum sínum til ráðuneytisins, sem sýnir að þeim hafi ekki þótt nægt tillit tekið til krafna sinna frá í ágúst 2015 (skjal nr. 6)

11) 28. janúar 2016

Landsvirkjun sendir ANR athugasemdir sínar við tillögur ANR um breytingar á starfsreglum. (skjal nr. 16)

12) 28. janúar 2016

ANR sendir viðbótartillögur til UAR eftir að hafa tekið tillit til a.m.k. sumra athugasemda Landsvirkjunar (skjal nr. 17), en lætur þess ógetið að þær komi frá Landsvirkjun (skjal nr. 12).

13) 2. febrúar 2016

UAR auglýsir drög að breytingum á starfsreglum verkefnisstjórnar rammaáætlunar á vefsíðu ráðuneytisins til umsagnar almennings og annarra með athugasemdafresti fyrir 12. febrúar (skjal nr. 18). Verkefnisstjórnin sá ekki þessi drög áður en þau voru birt þrátt fyrir veigamiklar breytingar frá fyrstu drögum 11. janúar. Umsagnafrestur var framlengdur til 22. febrúar að beiðni Landverndar.

ATH! Skjal 19 er álit umhverfisráðuneytis á m.a. endurmati virkjunarkosta (frá 12. mars 2014) og skjal 20 er lögfræðiálit sem fjallar um þær breytingar sem nú hafa verið lagðar fram (frá 7. febrúar 2016).

Skjol 1-12_Gogn fra UAR vegna br a reglum um vstj RA_11feb2016.pdf
Skjal nr 13_11jan fra UAR til ANR og Verkefnisstj RA_Starfsreglur til umsagnar.docx
Skjal 14_13jan_fra OS til ANR_Starfsreglur_Athugasemdir Orkustofnunar.docx
Skjal nr 15_19.jan_ fra ANR til UAR_Drog að starfsreglum athugasemdir ANR.docx
Skjal nr. 16_28jan_fra Landsvirkjun (Joni) til ANR_ athugasemdir LV.docx
Skjal 17_28 jan_ANR til UAR_vidbot vid athugasemdir mtt athugasemda LV.docx
Skjal nr 18_Starfsreglur drog ad breytingum birt a vefsidu UAR 2feb.pdf
Skjal 19 alit raduneytis 14mars2014_skjal 20 logfraedialit a breytingum a starfsreglum 7feb2016.pdf
Skjal fra ANR_Svarbref og gogn fra ANR til Landverndar vegna breyt a reglum um vstj RA_11feb2016.pdf

Tögg

Vista sem PDF

Leita í umsögnum

 

Landvernd eru frjáls félagasamtök sem starfa
að umhverfismálum. 
Taktu afstöðu og vertu með!

Orkunýtingarflokkur orðinn alltof stór 6.4.2017

Fleiri virkjunarhugmyndir í verndarflokk 3.8.2016

Drög að breytingum á starfsreglum harðlega gagnrýndar 23.2.2016

Endurskoða ber umhverfismat Hvammsvirkjunar 28.9.2015

Ráðherra tryggi fjárveitingar til friðlýsinga í virkjana- og verndaráætlun 15.9.2015

Fjöldi manns mótmælti með Landvernd á Austurvelli í dag 13.5.2015

Mótmælafundur á Austurvelli 12.5.2015

Snorri Baldursson nýr formaður Landverndar 10.5.2015

Náttúruverndarsamtök telja tillögur Orkustofnunar ekki standast lög 10.3.2015

Landvernd stefnir Landsneti vegna kerfisáætlunar 30.1.2015

Áskorun á Alþingismenn 28.1.2015

Sátt um rammaáætlun rofin og leikreglur brotnar 27.11.2014

Málþing um virkjanir og samfélag í Skaftárhreppi 25.4.2014

Aukið samstarf eða sameining náttúruverndarfélaga 7.4.2014

Gagnrýna flokkun Hvammsvirkjunar í nýtingarflokk 19.3.2014

Telja tillögu ráðherra ekki samræmast lögum 15.1.2014

Landvernd mótmælir harðlega áformum um nýja Norðlingaölduveitu 13.11.2013

Landvernd fagnar afstöðu sveitarstjórnar Þingeyinga til virkjana í Skjálfandafljóti 31.5.2013

Næstu skref í rammaáætlun 15.4.2013

Landvernd biður um svör úr umhverfisráðuneytinu 14.3.2013

Skólar á grænni yfir 200 1.12.2011

Sameiginleg umsögn 13 náttúruverndarfélaga um rammaáætlun 18.11.2011

Landvernd hvetur borgarstjórn - Bitra verði áfram í verndarflokki 8.11.2011

Orkunýtingarflokkur, biðflokkur eða verndarflokkur? 11.10.2011

Landvernd hvetur til pólítískrar sáttar um stækkun friðlands í Þjórsárverum 19.8.2010