Austurgilsá rennur um Austurgil á Drangajökulsvíðernum Vestfjarða. Áin rennur í Selá í Skjaldfannardal og þaðan til sjávar í Ísafjarðardjúp á Vestfjörðum. Áin á að miklu leyti upptök sín í sunnanverðum Drangajökli og rennur um ósnortið heiða- og vatnalandslag sem er hluti af víðernaheild sem nær frá Steingrímsfjarðarheiði, norður um Drangajökul og út á ysta tanga Hornstranda. Þarna eru því einhver stærstu víðerni Íslands utan miðhálendisins.
Í tillögum um rammaáætlun er lagt til að svæðið verði sett í nýtingarflokk.
Virkjunarhugmyndir
Fyrirhuguð virkjun myndi virkja vatn og mynda inntakslón úr Vondadalsvatni sem er heiðarvatn sunnan Drangajökuls. Öllu jökulrennsli Selár yrði veitt í inntakslónið með tilheyrandi stíflum, skurðum, pípum, veglagningu og lónum í miklu návígi við Drangajökul. Austurgilsvirkjun myndi því augljóslega hafa veruleg áhrif á óbyggð víðerni sunnan Drangajökuls og skerða óbyggðaupplifun á svæðinu.
Austurgilsvirkjun myndi hafa veruleg áhrif á óbyggð víðerni sunnan Drangjökuls og ætti skilyrðislaust að vera áfram í biðflokki.