Vorfréttabréf Skóla á grænni grein

Krókusar að vori, landvernd.is
Í fréttabréfi Skóla á grænni grein má finna fjölda verkefna og hugmynda sem hægt er að nýta á meðan samkomubanni stendur, að ógleymdri sumargjöf til ykkar allra sem við hvetjum ykkur til að prófa.

Á þessum sérstöku tímum er skólahald á flestum stöðum með afar breyttu sniði.

Opna fréttabréf

Hér má finna fjölda verkefna og hugmynda sem hægt er að nota á meðan samkomubanni stendur, að ógleymdri sumargjöf til ykkar allra sem við hvetjum ykkur til að prófa.

Upplýsingar um fyrirkomulag úttekta nú á vormánuðum má einnig finna hér að neðan.

Gangi ykkur vel í því sem framundan er!
Vorkveðja frá starfsfólki Skóla á grænni grein

Hugmyndir að verkefnum í samkomubanni

Náttúruskoðun getur líka farið fram innandyra, landvernd.is

Náttúruskoðun á heimilinu

Á mörgum heimilum má finna heilmikið lífríki og eru þar pottaplöntur fremstar í flokki þeirra lífvera sem gleðja augun og andann. Komdu með í innandyra náttúruskoðun.

Hvað getum við lært um nútímann af fortíðinni og framtíðinni? Amma, afi, ég er verkefni um jörðina í tíma og rúmi, landvernd.is

Amma, Afi, ég og barnabarnið mitt

Hvað getum við lært um nútímann af fortíðinni og framtíðinni? Amma, afi, ég og barnabarnið mitt er valdeflandi verkefni sem setur stöðu mála í dag í samhengi við fortíð og framtíð.

Lærðu um lífbreytileika í bangsagöngunni, landvernd.is

Lífbreytileiki í bangsagöngunni

Lærðu um lífbreytileika í bangsagöngunni. Landvernd og Skólar á grænni grein senda fjölskyldum og skólum skemmtileg verkefni í bangsagönguna.

Loftslagsbreytingar

Á dögunum gaf Landvernd út þessa smámynd (gif) um loftslagsbreytingar. Myndinni er ætlað að auðvelda skilning á fyrirbærinu og hentar hún vel í kennslu.

Athafnir mannanna auka gróðurhúsaáhrif sem valda hlýnun á jörðinni, landvernd.is
Athafnir fólks valda aukinni losun gróðurhúsalofttegunda, landvernd.is

Gróðurhúsaáhrif og hlýnun jarðar

Losun manna á gróðurhúsalofttegundum líkt og koltvíoxíði, veldur hamfarahlýnun á jörðinni.

Lesa meira →

Ungt umhverfisfréttafólk (e. Young Reporters for the Environment)

Verkefnið Ungt umhverfisfréttafólk er alþjóðlegt menntaverkefni rekið af umhverfismenntasamtökunum FEE og hóf það göngu sína hjá Landvernd vorið 2019. Verkefnið stuðlar að valdeflingu nemenda með því að gefa þeim tól og tækifæri til að hafa áhrif á eigið umhverfi. Nú þegar hafa átta framhaldsskólar skráð sig í verkefnið og fimm til viðbótar hafa sýnt því áhuga að hefja þátttöku. Liður í verkefninu er samkeppni um besta verkefnið og skipar Landvernd dómnefnd til að meta þau verkefni sem berast.

Verðlaunaafhending 6. maí 

Verðlaunaafhendingin í ár fer fram í streymi þann 6. maí kl. 13:00 og geta allir fylgst með á slóðinni landvernd.is/yre þar eru einnig nánari upplýsingar um verkefnið.

Við hvetjum ykkur til að hafa samband ef þið hafið áhuga á að kynna ykkur verkefnið nánar.

 

 

 

Úttektalotur í samgöngubanni

Úttektum og afhendingum sem áttu að fara fram í mars og apríl hefur verið frestað fram yfir samkomubann. Við biðjum þá skóla sem eiga eftir að fá úttekt eða afhendingu í þeirri lotu að vera í sambandi við okkur þegar það er afstaðið. 

Úttektir í maí og júní eru enn á dagskrá hjá okkur. Þá förum við á Vestfirði og Norðurland auk Suðvesturlands. Ef enn eru lokanir í maí og júní stendur skólum til boða að fá rafræna úttekt. Þá fundum við rafrænt með umhverfisnefnd, fulltrúar nefndarinnar ganga um skólann með snjalltæki og sýna það sem við á og svo spjöllum við rafrænt við bekk eða hóp nemenda sem ekki er í nefndinni. Þetta höfum við gert áður með góðum árangri.

Þeir skólar sem vilja fá úttekt í maí eða júní geta sótt um fyrir 1. maí hér.

 

Grænfáninn er veittur þeim skólum sem vinna að umhverfismálum á fjölbreyttan hátt, þessi mynd er frá afhendingu grænfánans í Foldaskóla í maí 2017, landvernd.is
Grænfánagögn

Leiðbeiningar – Hvernig tek ég þátt í grænfánaverkefninu?

Hvernig tek ég þátt í grænfánaverkefni Landverndar? Skólinn þarf að skrá sig á græna grein og stíga sjö skref í átt að grænfána. Skólinn sendir inn umsókn og starfsmaður Landverndar kemur í heimsókn og metur starfið. Skólinn fær skriflega endurgjöf og standist hann úttekt fær hann að flagga grænfána til tveggja ára.

Í grænfánaskólum er áhersla er lögð á notkun náttúrulegra efna og nærumhverfið er kannað, landvernd.is
Grænfánagögn

Umsókn um grænfána

Þegar skóli telur sig hafa tekið öll nauðsynleg skref að grænfána og náð markmiðum sínum, sækir hann um grænfánann. Send er rafræn umsókn og greinargerð um hvernig skrefin sjö voru stigin og hvernig unnið var að markmiðum.

Skólar á grænni grein á vefnum

Við minnum á nýja vefsíðu Skóla á grænni grein: graenfaninn.is athugið að búið er að breyta slóðinni svo skólar þurfa að uppfæra tengla á vefsíðum sínum. 

Endilega fylgið okkur á samfélagsmiðlum, við reynum að birta reglulega efni sem auðvelt er að nýta í samkomubanninu: 

Facebooksíða: facebook.com/graenfaninn

Facebookhópur: facebook.com/groups/graenfanaspjall

Pinterest: pinterest.com/graenfaninn/

Instagram: instagram.com/graenfaninn/

Þakkir

Við sendum kærar þakkir til starfsfólks skóla fyrir að standa vaktina á þessum óvissutímum og sendum ykkur hér smá sumarglaðning, stund sem þið gefið sjálfum ykkur.

Lýðheilsa er eitt af þemum Skóla á grænni grein og hafa margir skólar unnið með núvitund. Krossfiskurinn er núvitundaræfing sem hægt er að taka með fólki á öllum aldri. Við rákumst á hana fyrst hjá Heilsuleikskólanum Króki í Grindavík. 

 

Smellið á myndina hér að ofan til að hefja æfinguna. 

Njótið

Ert þú í Landvernd?

Taktu afstöðu með náttúrunni og gakktu í Landvernd
Scroll to Top