Þann 28. júní 2020 fer fram Fræðslu- gönguferð um Hagavatn í samstarfi við Ferðafélag Íslands.
Svæðið við Hagavatn er ægifagurt og hefur tekið miklum breytingum í áranna rás. Bæði hafa jökulhlaup mótað og breytt landslaginu og svo bendir ýmislegt til þess að svæðið hafi áður verið algróið og víða þakið birkikjarri.
Í þessari dagsferð er svæðið skoðað, hugað að landmótuninni og farið yfir virkjunaráform á svæðinu og hvaða áhrif þau kynnu að hafa á landslag og náttúru en svæðið er í biðflokki í rammaáætlun.
Farið er með rútu að Gullfossi og þaðan um svokallaðan línuveg sunnan Langjökuls (F338) að Mosaskarðsfjalli. Hér er víðsýnt og gott að átta sig á náttúrufari og landsháttum.
Boðið er upp á styttri og lengri gönguleiðir frá Mosaskarði, yfir göngubrú á Farinu og að skála FÍ við Einifell. Þar bíður rútan sem ekur að Farinu þaðan sem gengið er að Hagavatni við Nýjafoss. Áætluð koma aftur til Reykjavíkur er um kvöldmatarleytið.
Fræðslu- og gönguferð í samstarfi við Ferðafélag Íslands
Brottför/Mæting
Kl. 8 með rútu frá FÍ
Fararstjórn
Sveinn Runólfsson, Ólafur Örn Haraldsson og Tryggvi Felixson.
Innifalið
Rúta og fararstjórn
Skráning fer fram á vef Ferðafélags Íslands.
