Vefurinn matarsóun í skólum var unninn af nemendum frá Menntaskólanum að Laugarvatni. Þau Helga Laufey, Hjörtur Snær, Lingný Lára, Jóna Kristín og Sesselja vildu vekja athygli fólks á matarsóun í skólum á Íslandi.
Verkefnið komst í undanúrslit Ungs umhverfisfréttafólks árið 2021 og hlaut annað sæti í samkeppni Landverndar. Á vefnum má finna fróðlegar upplýsingar og staðreyndir um matarsóun. Þar kemur meðal annars fram að:
- Matarsóun í grunskólum hér á landi er mun meiri heldur en í nágrannalöndum eins og Svíþjóð, Finnlandi og Noregi.
- Á Íslandi er börnum skammtaður matur, sem veldur því að of mikið fer á diskinn.
- Helsti maturinn sem börn henda er meðlæti og kornvörur t.d kartöflur, hrísgrjón, bygg, kúskús og brauð.
Að mati fjölmiðladómnefndar er vefurinn einstaklega flottur.
Hér tekst að koma réttu magni af upplýsingum á framfæri um mikilvægt málefni á valdeflandi hátt.
Fjögur ráð við matarsóun
Nemendurnir deildu fjórum ráðum til þess að forðast matarsóun:
- Að skipuleggja innkaupin vel. Ef þú kannt að skipuleggja þig vel ættir þú að getað keypt passlega mikið af mat inn á heimilið þitt. Gott er að gera matarplan fyrir t.d. kvöldmat út vikuna svo það er léttara fyrir þig að kaupa inn mat. Út frá matarplaninu getur þú farið í búð með góðann lista og þá kaupir þú ekki of mikið af óþarfa.
- Að borða afganga. Ef þú eldar óvart of mikið í kvöldmat er mjög sniðugt að borða afgangs kvöldmat í hádeginu daginn eftir. Einnig ef aftur er byrjað að tala um skipulag er mjög sniðugt að elda smá meira en þarf á kvöldin og vera búin að ákveða að borða það í hadeginu daginn eftir því það sparar t.d. rafmagn vegna þess að annars þyrftir þú einnig að elda þér hádegismat.
- Að raða vel í ísskápinn. Ef illa er raðað er mikil hætta á því að matur sem er að renna út vegna dagsetningar endi aftast og það leiðir að því að það þarf að henda honum. Þetta er mikilvægast þegar það kemur vörum sem skemmast léttilega.
- Huga að því að síðasti söludagur er ekki síðasti notkunardagur. Síðasti söludagur er í raun einungis dagurinn sem varan þarf að hætta í sölu en ekki í notkun. Sama þó að síðasti notkunardagur er liðinn á vöru er best að nota nefið.
Verkefnið Ungt umhverfisfréttafólk hjá Landvernd er ætlað ungu fólki og snýst um að kynna sér umhverfismál og miðla upplýsingum til almennings með fjölbreyttum leiðum.
Hvað er grænþvottur? – 4 ráð við grænþvotti frá Landvernd
Grænþvottur á sér stað þegar fyrirtæki, stjórnvöld eða stjórnmálaflokkar villa fyrir fólki með því að sýnast vera umhverfisvænni en þau raunverulega eru.
Loftslagskvíði – Verkefni – Lærum um loftslagsmálin og tæklum kvíðann.
Loftslagskvíði er algengur. Getum við lært um loftslagsmál en tæklað loftslagskvíða í leiðinni? Hér er verkefni frá Landvernd.
Ungt umhverfisfréttafólk – Verðlaunaafhending 2020
Hver vinnur keppnina í ár? Við hvetjum alla áhugasama til þess að horfa á streymið þann 6. maí og kynnast því sem ungt fólk er að gera í umhverfismálum í dag.
Sigurvegarar 2021 – Skoðaðu verkefnin – Ungt umhverfisfréttafólk
Ungt umhverfisfréttafólk miðlar fréttum og upplýsingum um umhverfismál á fjölbreyttan máta. Sigurvegarar í samkeppninni Ungt umhverfisfréttafólk 2021.
Árleg keppni – Ungt umhverfisfréttafólk
Árlega býðst nemendum að taka þátt í samkeppni Landverndar um bestu umhverfisfréttirnar í verkefninu Ungt umhverfisfréttafólk.
Keppni um besta birkimyndbandið
Taktu þátt í keppni um besta birkimyndbandið. Keppnin er ætluð nemendum grunnskóla og framhaldsskóla. Skráðu þig til leiks á birkiskogar.is.
Skilafrestur er 30. september 2021.
