Hvatningarátak Landverndar og Grænfánans
Nægjusamur nóvember
Hvað er nægjusamur nóvember
Nóvember er einn neysluríkasti mánuður ársins með sínum svarta föstudegi, netmánudegi og degi einhleypra. Nægjusamur nóvember er hvatningarátak. Mótsvar við neysluhyggju og hugmyndinni um að okkur vanti stöðugt eitthvað.
Í nóvember ætlum við að tileinka okkur nægjusemi og hvetjum sem flest að vera með!
Þessi vefur mun taka breytingum því lengra sem líður á mánuðinn. Hér munu birtast upplýsingar um viðburði, greinaskrif, fræðslu, verkefni fyrir vinnustaði og skóla o.fl.
Nægjusemi er
Jákvæð
Þau sem lifa nægjusömu lífi fá sjaldan þá tilfinningu að þau skorti eitthvað, því nægjusemi er hugsunarháttur allsnægta.
Auðveld
Við njótum lífsins núna og eyðum ekki orku í að hugsa um að allt verði betra þegar við náum að eignast ákveðna hluti í framtíðinni.
Valdeflandi
Nægjusemi er eitt af því öflugasta sem við sem einstaklingar geta gert til þess að minnka vistsporið okkar.
Nauðsynleg
Við göngum minna á náttúruna og á rétt núverandi og komandi kynslóða á góðu lifi.
Greinar
Gnægtaborð alls
heimsins heima hjá mér
Guðrún Schmidt skrifar um hvernig eftirspurn vestrænna ríkja eftir jarðarberju, bláberjum, avókadó og mangó hafi stóraukið þaulræktun á þessum matvörum með töluverðar neikvæðar afleiðingar fyrir náttúru. Lesa hér
Núvitund og nægjusemi færa okkur lífshamingju
Svarið við efnishyggju og neysluáráttu sem tekur völdin í samfélaginu í aðdraganda jóla felst í núvitund og nægjusemi „Hamingjan kemur innan frá,“ segir Þuríður Helga Kristjánsdóttir núvitundarkennari, í viðtali sem tekið var af Erlu Maríu Markúsdóttur hjá heimildinni, lesa hér
Hver verða lykilgildin í næsta stjórnarsáttmála?
Gunnar Hersveinn, rithöfundur og heimspekingur, skrifaði grein um lykilgildi fyrir næsta stjórnarsáttmála í tilefni af kosningum og Nægjusömum nóvember, lesa hér
Ég vil hringrásarhagkerfi, takk!
Guðrún Óskarsdóttir formaður Náttúrverndarsamtaka Austurlands skrifaði grein um hringrásarhagkerfið í tilefni af Nægjusömum nóvember, lesa hér
„Nægjusamur nóvember hefur kennt mér að tími með ástvinum sem fer í ekkert sérstakt og athygli sem beinist að þessu „hér-og-nú“ (en ekki öllu öðru mögulegu) færir undursamlega kyrrð.“ skrifar Ingibjörg Ýr Skarphéðinsdóttir tónskáld, sjá hér
Rödd nærsamfélagsins um breytta neyslumenningu
Guðrún Schmidt tók saman helstu niðurstöður frá velheppnuðu Kynslóðaspjalli á Austurlandi, sjá hér
Iðkum nægjusemi, nýtum náttúruna
“Ein forsenda þess að fólk virði náttúruna, verndi hana og taki skynsamlegar ákvarðanir varðandi nýtingu hennar er að það kynnist náttúrunni og átti sig á mikilvægi hennar.”
Ósk Kristinsdóttir og Borghildur Gunnarsdóttir skrifuðu grein um hvernig megi iðka nægjusemi í útiverunni ásamt því að útbúa verkefni til að vinna úti í náttúrunni, hvort sem er ein, með fjölskyldu eða í skólahópum, sjá hér
Já, þú neyðist líka til að vera þessi týpa
„Staðreyndin er sú að við erum ekki komin á þann stað að geta talað um hringrás þegar við erum enn að kaupa svona mikið af nýjum fötum,“ skrifar Borghildur Gunnarsdóttir, sérfræðingur í menntateymi Landverndar.
Hún segir ekki nóg að selja fötin aftur heldur þurfi neyslan að minnka mikið, sjá hér
Nægjusamur nóvember – Að endurstilla neyslumenningu okkar
Hversu frábært og valdeflandi er það að við getum með aukinni nægjusemi, minnkað eigið vistspor, stuðlað að eigin hamingju og tekið þátt í að breyta menningu okkar til hins betra?
Kynntu þér hvernig í upphafsgrein nægjusams nóvember 2024, sjá hér
Eldri greinar
Veljum nægjusemi, ekki bara í nóvember heldur gerum hana að lífsstíl okkar alla daga.
Landvernd og Grænfáninn þakkar samstarfsaðilum og almenningi fyrir góðar undirtektir. Við mætum sterk til leiks að ári og höldum áfram að minna á nægjusemina! Lestu lokagrein átaksins 2023 hér
Hugvekja um nægjusemi
Gunnar Hersveinn rithöfundur og heimspekingur flutti hugvekju um nægjusemina á Hringrásarjólum 2023, samstarfsverkefni Landverndar, Grænfánans og Norræna hússins, lestu hugvekjuna hér
Hugleiðingar Þorgerðar Maríu formanns Landverndar um nægjusemi. Þorgerður fjallar um áhrif tilboðsdaga á hegðun og líðan, líklega eitthvað sem margir kannast við. Greinina má lesa hér
Viðburðir
Er tenging milli nægjusemi og núvitundar?
Þann 28.nóvember ætlar Þuríður Helga Kristjánsdóttir, núvitundarkennari, að fjalla um tengslin á milli nægjusemi og núvitundar. Auk þess kennir hún okkur æfingar sem styrkja gildi eins og t.d. þakklæti og samkennd. Viðburðurinn er á fjarfundarformi nánari upplýsingar hér
Hringrásarjól – jólagjafaskiptimarkaður og silkiprent
Viðburðurinn er hluti af Aðventudagskrá Norræna hússins og Nægjusams nóvember.
Jólagjafaskiptimarkaður þar sem fólk er hvatt til þess að koma með hluti sem eru í góðu og nothæfu ástandi.
BrummBrumm bjóða gestum að silkiprenta eitthvað skemmtilegt í jólapakkann. Fólk kemur með sinn eigin textíl. Nánari upplýsingar hér
Hringrásarjól á Amtsbókasafninu
Við bjóðum ykkur hjartanlega velkomin á Hringrásarjól Amtsbókasafnsins 2024! Þau eru unnin í samvinnu við Landvernd og Fjölsmiðjuna og hugmyndin fengin að láni frá Norræna Húsinu. Nánari upplýsingar hér
Landvernd og Ferðafélag Íslands bjóða í skammdegisgöngu í Elliðaárdal, sunnudaginn 24. nóvember næstkomandi. Mæting er við Toppstöðina, Rafstöðvarvegi 4, kl. 10:00. Nánari upplýsingar hér
Kynslóðaspjall
Hvað þýðir nægjusemi í dag? Getur nægjusemi stuðlað að aukinni hamingju og frelsi? Hvernig líta ólíkar kynslóðir á nægjusemi? Þessum spurningum ásamt fjölda annarra ætlum við að velta fyrir okkur á svokölluðu kynslóðaspjalli.
Landvernd og Neytendasamtökin bjóða á fræðslustund um nægjusemi og neysluhyggju, miðvikudaginn 6. nóvember kl. 17:00-18:30, á Loft hostel. Nánar um viðburðinn hér
Leikir og verkefni
Hér má finna leiki, hugvekjur og verkefni sem tilvalið er að framkvæma á vinnustaðnum eða í skólastofunni
Neysla
Verkefnin um neyslu eru úr Loftslagssmiðjum Grænfánans. Hægt er að opna smiðjuna sem heild eða velja stök verkefni hér fyrir neðan
Fatasóun
Hugtakið nægjusemi
Samstarfsaðilar
Nægjusamur nóvember er hvatningarátak Landverndar og Grænfánaskóla í samstarfi við Norræna húsið og Saman gegn sóun.
