Fréttir

Bláskógaskóli í Reykholti byrjar í Vistheimtarverkefni Landverndar

Rannveig Magnúsdóttir    25.9.2018
Rannveig Magnúsdóttir

Miðstig Bláskógaskóla í Reykholti hóf í haust vinnu við verkefnið "Vistheimt" í samvinnu við Landgræðslu ríkisins, Landvernd og Landgræðslufélag Tungnamanna og er þema í Grænfánaverkefni Landverndar.  Vistheimt er ferli sem stuðlar að bata vitkerfis sem hefur hnignað af einhverjum ástæðum og snýr að uppgræðslu og endurheimt gróðurs á örfoka landi. Það hjálpar nemendum betur að skilja hvernig hægt er að aðstoða náttúruna á svæðum sem hafa skemmst eða raskast til dæmis vegna eldgosa, beitar eða veðurfars. Þeir fá jafnframt skilning á því að með því að auka grósku, frjósemi og líffjölbreytileika svæðisins vinna þeir líka gegn loftslagsbreytingum.

Nemendur fóru með kennurum sínum upp í Rótarmannatorfur við Bláfell mánudaginn 11. september og hófu starf sitt með því að gróðursetja birki og baunagras. Í vor er svo fyrirhugað að gera ýmiss konar rannsóknir og tilraunir bæði á hálendinu, í skólastofunni og í nágrenni skólans. Verkefni þetta er þverfaglegt og kemur inn á alla þætti kennslunnar.

IMG_5939.JPG  IMG_5906.JPG  IMG_5904.JPG  20180910_102809.jpg 

Vista sem PDF

 

Stöndum vörð um náttúru Íslands

Taktu afstöðu og vertu með!

Leita í fréttum



Þátttaka í ákvarðanatöku

alexander-hafemann-578204-unsplash.jpg
Umsögn um aðgerðaráætlun ríkisstjórnarinnar í loftslagsmálum
Umsögn Landverndar um aðgerðaráætlun ríkisstjórnarinnar í loftslagsmálum