Vefurinn matarsóun í skólum var unninn af nemendum frá Menntaskólanum að Laugarvatni. Þau Helga Laufey, Hjörtur Snær, Lingný Lára, Jóna Kristín og Sesselja vildu vekja athygli fólks á matarsóun í skólum á Íslandi.
Verkefnið komst í undanúrslit Ungs umhverfisfréttafólks árið 2021 og hlaut annað sæti í samkeppni Landverndar. Á vefnum má finna fróðlegar upplýsingar og staðreyndir um matarsóun. Þar kemur meðal annars fram að:
- Matarsóun í grunskólum hér á landi er mun meiri heldur en í nágrannalöndum eins og Svíþjóð, Finnlandi og Noregi.
- Á Íslandi er börnum skammtaður matur, sem veldur því að of mikið fer á diskinn.
- Helsti maturinn sem börn henda er meðlæti og kornvörur t.d kartöflur, hrísgrjón, bygg, kúskús og brauð.
Að mati fjölmiðladómnefndar er vefurinn einstaklega flottur.
Hér tekst að koma réttu magni af upplýsingum á framfæri um mikilvægt málefni á valdeflandi hátt.
Fjögur ráð við matarsóun
Nemendurnir deildu fjórum ráðum til þess að forðast matarsóun:
- Að skipuleggja innkaupin vel. Ef þú kannt að skipuleggja þig vel ættir þú að getað keypt passlega mikið af mat inn á heimilið þitt. Gott er að gera matarplan fyrir t.d. kvöldmat út vikuna svo það er léttara fyrir þig að kaupa inn mat. Út frá matarplaninu getur þú farið í búð með góðann lista og þá kaupir þú ekki of mikið af óþarfa.
- Að borða afganga. Ef þú eldar óvart of mikið í kvöldmat er mjög sniðugt að borða afgangs kvöldmat í hádeginu daginn eftir. Einnig ef aftur er byrjað að tala um skipulag er mjög sniðugt að elda smá meira en þarf á kvöldin og vera búin að ákveða að borða það í hadeginu daginn eftir því það sparar t.d. rafmagn vegna þess að annars þyrftir þú einnig að elda þér hádegismat.
- Að raða vel í ísskápinn. Ef illa er raðað er mikil hætta á því að matur sem er að renna út vegna dagsetningar endi aftast og það leiðir að því að það þarf að henda honum. Þetta er mikilvægast þegar það kemur vörum sem skemmast léttilega.
- Huga að því að síðasti söludagur er ekki síðasti notkunardagur. Síðasti söludagur er í raun einungis dagurinn sem varan þarf að hætta í sölu en ekki í notkun. Sama þó að síðasti notkunardagur er liðinn á vöru er best að nota nefið.
Verkefnið Ungt umhverfisfréttafólk hjá Landvernd er ætlað ungu fólki og snýst um að kynna sér umhverfismál og miðla upplýsingum til almennings með fjölbreyttum leiðum.
Hvernig eru verkefnin metin? Matsviðmið
Hvernig veljum við verkefni? Dómnefnd metur verkefni og notar matsviðmið og verðlaunar bestu verkefnin.
Ungt umhverfisfréttafólk – skil á verkefni í keppnina 20. apríl 2021
Skilafrestur í árlegu samkeppni Ungs umhverfisfréttafólks er 20. apríl 2021.
Árleg keppni – Ungt umhverfisfréttafólk
Árlega býðst nemendum að taka þátt í samkeppni Landverndar um bestu umhverfisfréttirnar í verkefninu Ungt umhverfisfréttafólk.
Menntun til sjálfbærni – Ungt umhverfisfréttafólk
Menntun er öflugasta vopnið sem við getum notað til að breyta heiminum. Nelson Mandela Hvað er sjálfbærni? Sjálfbærni snýst um að vernda náttúruna, nýta auðlindir hennar á ábyrgan hátt og
Sigurvegarar 2020 – Ungt umhverfisfréttafólk
Fjölmargir nemendur sendu inn verkefni í keppnina Ungt umhverfisfréttafólk. Sigurvegarar 2020 eru…
Áhrif covid á umhverfið – hlaðvarp
Nemendur frá Garðaskóla tóku viðtöl við sérfræðinga um umhverfismálin og covid í verkefninu Ungt umhverfisfréttafólk.
