Blanda er jökulá sem samanstendur að mestu af jökulbráð úr Hofsjökli. Hún flæðir um jökulkembt en gróið heiðalandslag frá upptökum sínum í norðanverðum Hofsjökli og norðvestur í Húnafjörð.

Jökulsárnar í Skagafirði og vatnasvið þeirra skapa einstaka, lítt raskaða landslagsheild. Svæðið hefur gríðarlegt gildi á landsvísu þegar kemur að menningarminjum, jarðminjum, vatnafari, vistkerfum og jarðvegi. Einnig þjóna jökulárnar mikilvægu hlutverki í ferðaþjónustu á svæðinu en flúðasiglingar hafa skapað mikla sérstöðu fyrir svæðið. Bæði Austari og Vestari Jökulsár í Skagafirði eru á lista yfir bestu flúðasiglingaár í Evrópu.

Virkjunarhugmyndir

Áform um að virkja í Jökulsánum í Skagafirði falla í verndarflokk. Með því að veita vestari Jökulsá í Haugakvísl og síðar Blöndulón yrði miklu landi raskað ásamt því að sjö smærri lón yrðu mynduð með meðfylgjandi skurðum, stíflum, veglagningu, háspennulínum og byggingum. Að auki myndi rennsli í vestari Jökulsá minnka til muna.

Heimild: Orkustofnun