2. Mat á stöðu mála

2. Mat á stöðu umhverfismála. Skólar á grænni grein vinna eftir skrefunum sjö, skref tvö er að meta stöðu umhverfismála í skólanum, landvernd.is

Skólar á grænni grein vinna eftir skrefunum sjö, skref tvö er að meta stöðu umhverfismála í skólanum. Nefndin velur þema og notast er við gátlista.

 

Skólar á grænni grein vinna eftir skrefunum sjö, skref tvö er að meta stöðu mála í skólanum í því þema/ þeim þemum sem umhverfisnefnd hefur valið (í samstarfi við samnemendur). 

Staða umhverfismála er metin í upphafi hvers grænfánatímabils (á u.þ.b. tveggja ára fresti). Matið er í höndum umhverfisnefndarinnar en best er að aðrir nemendur og starfsmenn komi einnig að matinu með einhverjum hætti. Gott er að nota til þess gátlista sem hafa verið þróaðir fyrir hvert og eitt þema.

Umhverfisnefndin, helst í samvinnu við fleiri nemendur, velur sér þema eða þemu til að vinna að og fyllir út gátlista sem tilheyra þeim þemum. 

Annar möguleiki er að taka stöðuna í öllum þemunum og og nota niðurstöðurnar til að velja þema. Hvar vantar mest upp á? Hvaða verkefni eru brýnust?

„Hvernig er unnið að menntun til sjálfbærni í skólanum?“

 

Nemendur sjá um matið

Í hverju þema er boðið upp gátlista fyrir yngri nemendur (leikskóli, yngsta- og miðstig grunnskóla) og eldri nemendur (unglingastig grunnskóla og eldri). 

Ákjósanlegast er að nemendur sjái að mestu leyti um matið. Umhverfisnefndin getur séð um að fylla út matsblöðin en einnig geta allir bekkir eða hluti bekkjanna fengið eyðublöð til að fylla í.

Gátlistana má sækja sem word skjöl og eru þeir ekki bindandi. Skólar geta tekið út atriði sem eiga ekki við, eða bætt við því sem þeir vilja leggja áherslu á. 

Ekki er skylda að nota gátlista frá Skólum á grænni grein. Gátlistar eru aðeins hugsaðir til viðmiðunar til að auðvelda matið.

Hafa skal í huga

  • Fór fram mat á stöðu umhverfismála í upphafi tímabils?
  • Sáu nemendur að mestu um það mat, t.d. með hjálp gátlista fyrir nemendur?
„Grænfánavinnan er samstarf nemenda og starfsfólks í skólanum“
Menntun til sjálfbærni er einn af grunnþáttum menntunar, Landvernd hefur farið með umsjón Grænfánans frá árinu 2001, landvernd.is

Gátlistar – Nemendur meta stöðu mála með hjálp gátlista

Nemendur meta stöðu mála í skólanum með hjálp gátlista fyrir hvert þema. Gátlistarnir gagnast skólum í skrefi tvö. Skrefin sjö eru verkfæri sem Skólar á grænni grein nota til að innleiða breytingar á lýðræðislegan hátt.

Skoða gátlista

Virkjum nemendur

- undirbúum þau fyrir áskoranir framtíðarinnar

Sendu okkur línu og við hjálpum þér að komast á græna grein

Scroll to Top