Ungt umhverfisfréttafólk tilnefnt til fjölmiðlaverðlauna

vidtalras1, ungt umhverfisfrettafolk, landvernd.is
Hálfdán Helgi, Sölvi Bjartur og Axel Bjarkar í viðtali á Rás 1.
Þeir Axel Bjarkar, Hálfdán Helgi og Sölvi Bjartur eru tilnefndir til fjölmiðlaverðlauna fyrir heimildarmyndina sína Mengun með miðlum.

Sigurvegarar í samkeppni Ungs umhverfisfréttafólks árið 2020 eru tilnefndir til fjölmiðlaverðlauna fyrir heimildamynd sína um mengun samfélagsmiðla. Fjölmiðlaverðlaunin verða veitt þann 16. september á Degi íslenskrar náttúru. Ungt umhverfisfréttafólk er alþjóðlegt verkefni sem Landvernd hefur umsjón með hér á landi og vinnur í nánu samstarfi við skóla.

Rökstuðningur dómnefndar var eftirfarandi: 

Í heimildamyndinni, sem vann til fyrstu verðlauna í samkeppninni Ungt umhverfisfréttafólk fyrr á árinu, rannsaka þeir félagar áhrif samfélagsmiðla og streymiveita á umhverfið. Í myndinni er kastljósinu beint að umhverfisvanda sem hefur fengið litla umfjöllun hingað til en snertir beint lífsstíl og áhugasvið ungs fólks.

Þrátt fyrir ungan aldur sýna kvikmyndagerðarmennirnir mikla færni í að setja fram viðfangsefni sitt á skýran og áhugaverðan hátt þar sem myndefni og myndtækni er nýtt af innsæi og þekkingu. Um leið eru ólíkar hliðar málsins dregnar fram í því skyni að bregða upp heildstæðri mynd af kostum og göllum samfélagsmiðla og streymisveitna með tilliti til umhverfisáhrifa þeirra.

Dómnefnd skipa þau Margrét Marteinsdóttir formaður, Kjartan Hreinn Njálsson og Sveinn H. Guðmarsson. 

Stárkarnir Axel Bjarkar, Hálfdán Helgi og Sölvi Bjartur voru 16 ára þegar þeir gerðu heimildamyndina sína og hugmyndina að myndinni má rekja til þess að einn þeirra fór að spá í því hversu mikil mengun væri á bakvið eitt „like“ á Facebook. 

Heimildamyndin tengist 13. markmiði Heimsmarkmiðanna, aðgerðir í loftslagsmálum og með myndinni vonast strákarnir til þess að vekja fólk til meðvitundar um mengun samfélagsmiðla. 

Tengt efni

3. áfangi rammaáætlunar

Rammaáætlun fjallar um orkunýtingu og verndun landsvæða. Hún skal byggja á vísindalegri þekkingu um hvert svæði og taka tillit til vistkerfa, lífríkis, landslagsheilda, jarðfræði, umhverfisáhrifa ...

Hugvekja á degi íslenskrar náttúru

Dagur íslenskrar náttúru er haldin hátíðlegur þann 16. september ár hvert og tilefni þess er hér lítil hugvekja um náttúruna og náttúruvernd. Verndum, virðum og ...

Ert þú í Landvernd?

Taktu afstöðu með náttúrunni og gakktu í Landvernd