Hreint haf – rafbók

Share on facebook
Share on twitter
Share on email
Hreint haf námsefni frá Landvernd um hafið, mengun í hafið, loftslagsbreytingar og hvernig við getum haft áhrif, landvernd.is
Hreint haf er námsefni eftir Margréti Hugadóttur sem gefið er út af Landvernd og Menntamálastofnun. Námsefnið fjallar um hafið, loftslagsbreytingar og hvernig við getum haft áhrif.

Námsefnið Hreint haf er ætlað nemendum á miðstigi og unglingastigi og fjallar um haflæsi og áhrif loftslagsbreytinga og plastmengunar á hafið.

Hafið er notað sem rauður þráður í kennslu um loftslagsbreytingar, neyslu og sjálfbærni. Þemaverkefnið Hafðu áhrif! er valdeflandi og veitir nemendum verkfæri til að takast á við flókin viðfangsefni líkt og loftslagsbreytingar á tímum loftslagskvíða. Námsefnið tengist vel hæfniviðmiðum náttúrugreina og samfélagsgreina og grunnþáttum menntunar. Þá sér í lagi sjálfbærni og lýðræði og mannréttindum, sköpun og heilbrigði og velferð. Að auki styður námsefnið við skuldbindingar Íslands sem varða heimsmarkmið Sameinuðu þjóðanna.

Námsefnið samanstendur af:

Rafbók 

Kennsluleiðbeiningum 

Verkefnabanka 

Hljóðefni 

Höfundur er Margrét Hugadóttir, sérfræðingur hjá Landvernd. 

Uppsetning og hönnun var í höndum Arons Freys Heimissonar.

Útgáfan var styrkt af Þróunarsjóði Námsgagna. Bókin kom áður út 2019 en er nú endurútgefin af Menntamálastofnun

Hreint haf fjallar um hafið, þær ógnir sem steðja að hafinu og hvernig við getum haft áhrif, landvernd.is

 

 

Kennaramiðað námsefni, nemendamiðuð verkefni

 

Af hverju að fjalla um hafið?

Annar hver andardráttur sem við öndum að okkur kemur frá hafinu. Hafið hefur áhrif á loftslag og veður, veitir okkur súrefni, fæðu og gerir okkur kleift að lifa á jörðinni.

Hafið hefur víðtæk áhrif á líf manna og menn hafa mikil áhrif á hafið

Loftslagsbreytingar, plastmengun og önnur mengunarhætta steðjar nú að hafinu og ef fram heldur sem horfir, verður þar meira af plasti en fiski árið 2050. Við þurfum að taka afstöðu með hafinu og vernda það. Heilbrigði hafsins er hnattrænt málefni sem snertir alla á jörðinni.

Námsefnið Hreint haf fjallar um haflæsi (ocean literacy) og áhrif loftslagsbreytinga og plastmengunar á hafið.

Námsefnið var þróað út frá samnefndu þróunarverkefni sem unnið var í góðu samstarfi Landverndar og Grunnskóla Snæfellsbæjar.

Bókinni fylgja fjölbreytt verkefni á vef sem eru ólík að eðli og lengd. Verkefnin eru nemendamiðuð og hönnuð til þess að nemendur skoði eigin viðhorf og neyslu (umbreytandi nám). Nemendur ráða ferðinni í þemaverkefninu Hafðu áhrif! og fylgja leitaraðferð (inquiry based learning). Í kennsluleiðbeiningum má finna hvaða hæfniviðmið eru tengd hverju verkefni. Námsefninu fylgja tillögur að ítarlegu námsmati (leiðsagnarmat) og má finna sóknarkvarða fyrir haflæsi,  einstaklingsmat, þemaverkefnið, jafningjamat, sjálfsmat, lykilhæfni og mat á umræðum á vef verkefnisins. 

Skoða

Hreint haf, 2020

Hreint haf, 2019 fyrir Ipad

Share on facebook
Facebook
Share on twitter
Twitter
Share on email
Email
Scroll to Top