Lítill órangúti í fanginu á móður sinni. Órangútar eru í hættu vegna regnskógaeyðingar af völdum pálmaolíu framleiðslu, landvernd.is

Takmörkun á notkun Pálmaolíu er forgangsatriði

Share on facebook
Share on twitter
Share on email
Framleiðslu ósjálfbærrar pálmaolíu fylgir gríðarleg umhverfiseyðilegging og losun gróðurhúsalofttegunda. Gott fyrsta skref er að banna notkun pálmaolíu í lífdísel en stjórn Landverndar telur að ganga þurfi mun lengra.

Umsögn Landverndar um tillögu til þingsályktunar um ráðstafanir til að draga úr notkun pálmaolíu á Íslandi, 112. mál. Send Nefndarsviði Alþingis þann 30. október 2020

Með tölvupósti þann 26. október síðastliðinn óskaði nefndasvið Alþingis eftir umsögn Landverndar um ofangreinda þingsályktunartillögu. Um mikilvægt mál er að ræða og Landvernd vill því þakka flutningsmönnum fyrir að leggja tillöguna fram.

Bann við notkun pálmaolíu í eldsneyti er forgangsatriði

Stjórn Landverndar styður heilshugar við þingsályktunartillöguna. Stjórn Landverndar telur að bann við notkun pálmaolíu í eldsneyti sé forgangsatriði í þessu samhengi en vegna umhverfisáhrifa er full ástæða til þess að skoða aðra orsakavalda eyðingu regnskóga eins og nautgriparækt og dýrafóðurframleiðslu samtímis. Þá ætti Ísland að beita sér fyrir því að bann verði lagt við notkun pálmaolíu í Evrópu.

Ganga þarf mun lengra

Stjórn Landverndar leggur til að nefndinni verði gert að skila tillögum sínum fyrr, þann 1. júní 2021 í ljósi þess að verkefnið er nokkuð afmarkað.

Virðingarfyllst,

f.h. stjórnar Landverndar,
Auður Önnu Magnúsdóttir,
framkvæmdastjóri.

Share on facebook
Facebook
Share on twitter
Twitter
Share on email
Email
Scroll to Top