Sigruðu alþjóðlega keppni Ungs umhverfisfréttafólks!

Sigurvegarar og verkefnastjóri Ungs umhverfisfréttafólks 2020, landvernd.is
Framlag okkar í alþjóðlegri keppni Ungs umhverfisfréttafólks, sigraði í sínum flokki! Er skólinn þinn þátttakandi í verkefninu?

Fyrsta árið vel heppnað

Það má með sanni segja að fyrsta ár Ungs umhverfisfréttafólks á Íslandi hafi heppnast vel. Samtals hafa tíu framhaldsskólar tekið þátt og nú er öllum framhaldsskólum frjálst að skrá sig til leiks. Það er auðvelt að taka þátt í verkefninu og ferlið fer fram í fjórum skrefum. 

  1. Skólar panta kynningu á verkefninu fyrir áhugasama kennara og stjórnendur.
  2. Ákveðið er hvar verkefnið passar best inn í kennsluna. Það getur t.d. verið eitt verkefni nemenda í áfanga að búa til fréttaefni (ljósmynd, grein, myndband, hlaðvarp eða annað).
  3. Nemendur vinna verkefnin undir handleiðslu kennara. Nemendur og kennarar geta leitað til sérfræðinga í umhverfismálum í gegnum verkefnastjóra Ungs umhverfisfréttafólks.
  4. Verkefnum er skilað í keppnina. Verkefnum er skilað inn rafrænt og nemendur geta gert það sjálfir.

Tvö verkefni frá Íslandi í úrslitum

Tvær umhverfisfréttir komust í úrslit fyrir Íslands hönd í alþjóðlegri keppni Ungs umhverfisfréttafólks árið 2020. Heimildamyndin „Mengun með miðlum“ hlaut fyrsta sæti í keppninni. Myndin var unnin af Axel Bjarkar, Hálfdáni Helga og Sölva Bjarti, 16 ára nemendum í Tækniskólanum. Með myndinni vonast strákarnir til þess að vekja fólk til meðvitundar um mengun samfélagsmiðla.

Heimildamyndin hefur hlotið verðskuldaða athygli hér á landi og var tilnefnd til fjölmiðlaverðlauna umhverfis- og auðlindaráðuneytisins.

Ljósmyndin „Congratulations humanity“ var einnig í undanúrslitum í alþjóðakeppninni og hlaut heiðursverðlaun dómnefndar. Ljósmyndin er ádeila á það neyslusamfélag sem við búum í og var sköpuð af Ásdísi Rós, 24 ára nemanda við Fjölbrautaskólann við Ármúla. 
sigurvegarar-ungt-umhverfisfrettafolk-landvernd.is
Axel, Hálfdán og Sölvi
Ásdís Rós og Vigdís, verkefnastjóri Ungs umhverfisfréttafólks

Kveðjur frá umhverfisráðherra

Umhverfisráðherra sendi ungu umhverfisfréttafólki þakkir fyrir að leggja tíma og vinnu í það að deila boðskap um umhverfismál. Hann segir það skipta gríðarlega miklu máli að efla áhuga og vitund fólks á umhverfismálum.

Viltu fræðast um Ungt umhverfisfréttafólk á Íslandi?

Sigurverkefni Umhverfisfréttafólks 2022, landvernd.is

Sigurvegarar 2022 – Skoðaðu verkefnin – Umhverfisfréttafólk

Ungt umhverfisfréttafólk miðlar fréttum og upplýsingum um umhverfismál á fjölbreyttan máta. Sigurvegarar í samkeppninni Umhverfisfréttafólks 2022.

myndavél og hljóðnemi í náttúruinni

Umhverfisfréttafólk 2022 – Leynist sigurverkefni í þínum skóla?

Senn líður að skilum í samkeppni Umhverfisfréttafólks hjá Landvernd. Allir grænfánaskólar geta sent inn verkefni í keppnina.

Safnahúsið

Landvernd og Listasafn Íslands í samstarfi – sýnileiki umhverfisfréttafólks

Landvernd og Listasafn Íslands hafa skrifað undir viljayfirlýsingu um samstarf sín á milli. Samstarfið felur í sér að efla tengsl myndlistar við umhverfismenntun.

myndavél og hljóðnemi í náttúruinni

Menntun til sjálfbærni – Ungt umhverfisfréttafólk

Menntun er öflugasta vopnið sem við getum notað til að breyta heiminum. Nelson Mandela Hvað er sjálfbærni? Sjálfbærni snýst um að vernda náttúruna, nýta auðlindir …

Ert þú í Landvernd?

Taktu afstöðu með náttúrunni og gakktu í Landvernd
Scroll to Top