Leitarniðurstöður
Náttúruverndarsamtök telja tillögur Orkustofnunar ekki standast lög
10. mars, 2015
Náttúruverndarsamtök krefjast þess að Þjórsárver, þ.e. Norðlingaölduveita og Kjalölduveita verði ekki teknar inn í umfjöllun í rammaáætlun, enda eigi svæðið að njóta verndar samkvæmt núverandi áætlun.
Vann flugferð með Ómari fyrir mynd af Kýlingum
6. mars, 2015
Roar Aagestad fékk fyrstu verðlaun í ljósmyndaleik Landverndar og Hjarta landsins fyrir mynd af Kýlingum í Friðlandi að Fjallabaki. Ómar Ragnarsson veitti honum verðlaunin á Kex í gær en þau eru flugferð með Ómari yfir hálendið.
Hagavatn
3. mars, 2015
Hagavatn er í hættu, virkjun myndi valda því að Nýifoss hyrfi undir lón ásamt öllu svæðinu umhverfis hann sem af vísindamönnum er talið vera einstakur vettvangur til að skoða síbreytileika náttúrunnar.
Hágöngur og Skrokkalda
3. mars, 2015
Landsvirkjun hefur uppi áform um að virkja við Hágöngur og Skrokköldu á miðju hálendinu. Landvernd krefst þess að hálendinu – hjarta landsins – verði hlíft við frekara raski.
Uppbyggður Kjalvegur
1. mars, 2015
Lögð hefur verið fram þingsályktunartillaga um heilsársveg um Kjöl. Samtök ferðaþjónustunnar hafa ályktað gegn uppbyggðum vegi yfir Kjöl þar sem slík framkvæmd myndi gjörbreyta upplifun ferðamanna. Í ályktuninni segir m.a.: „Vegur af þeirri gerð sem hér er rætt um sviptir hálendið sérkennum sínum og þeirri öræfastemningu sem ferðamenn sækjast eftir. Hálendi landsins hefur mikið gildi fyrir þjóðina og með því að leggja uppbyggða samgönguæð í gegnum eitt helsta hálendissvæðið er verið að spilla verulega þeirri upplifun sem menn sækjast eftir.“ Ferðaklúbburinn 4×4 er einnig andsnúinn hugmyndum um uppbyggingu Kjalvegar vegna sjón- og hávaðamengunar sem honum fylgja. Þá telur félagið að heilsársvegur myndi svipta hálendið sérkennum sínum.
Sprengisandur
1. mars, 2015
Á Svæðisskipulagi miðhálendisins er gert ráð fyrir tengingu raforkukerfisins milli Þjórsársvæðisins og byggðalínunnar á Norðurlandi, þ.e.a.s. með háspennulínu yfir Sprengisand. Landsnet hefur þetta til skoðunar. Í drögum að landsskipulagi til 2024 er gert ráð fyrir mannvirkjabelti yfir Sprengisand sem myndi kljúfa hálendið í tvennt. Í sama skipulagi er fjallað um verndargildi svæðisins: „Víðerni bjóða upp á einstaka upplifun sem sífellt færri landsvæði á heimsvísu geta boðið upp á. Mikilvægt er því að vernda íslensk víðerni. Mikilvægt er að almenningur geti notið þeirrar sérstöðu sem hálendið hefur upp á bjóða, án þess að á hana sé gengið.“
Skaftá
1. mars, 2015
Vatnasvið Skaftár-Tungufljóts er meðal verðmætustu svæða landsins m.t.t. menningarminja, jarðminja, vatnafars, tegunda lífvera, vistkerfa, jarðvegs, landslags og víðerna.
Skjálfandafljót
1. mars, 2015
Landsvirkjun hefur fengið leyfi til að rannsaka möguleikann á virkjun Skjálfandafljóts, en fljótið er meðal verðmætustu svæða landsins m.t.t. landslags og víðerna. Fljótshnjúksvirkjun og Hrafnabjargavirkjun myndu þurrka Aldeyjarfoss sem löngum hefur þótt einn af fallegri fossum landsins með einstakri stuðlabergsumgjörð. Með Hrafnabjargavirkjun yrði sökkt enn einu stóru gróðursvæði á hálendinu með 25 km löngu miðlunarlóni. Hér er því um gríðarlega verðmætt svæði að ræða og æskilegt væri að friðlýsa Skjálfandafljót frá upptökum til ósa. Á vatnasviði Skjálfandafljóts er að finna stórbrotnar náttúruminjar eins og Aldeyjarfoss, Laufrönd og Neðribotna, Ingvararfoss, Hrafnabjargafoss, Goðafoss, Þingey, Skuldaþingsey, votlendi á Sandi og Sílalæk í Aðaldal, Gæsavötn við Gæsahnjúk, Tungnafellsjökul, Gjallanda og Vonarskarð. Í Króksdal, þar sem Skjálfandafljót hefur ferð sína frá hálendinu til sjávar, vex birki hvað lengst inni til landsins. Þarna er hálendið óvenju tegundaauðugt miðað við hæð yfir sjó.
Vindmyllur
1. mars, 2015
Landsvirkjun hefur uppi áætlanir um að reisa vindmyllubúgarða á Hafinu milli Búrfells og Sultartanga og á Blönduveitusvæðinu.
Hólmsá
1. mars, 2015
Hólmsá er í hættu. Hættum að virkja fyrir stóriðju. Verndum landið.
Þjórsárver og Norðlingaölduveita
1. mars, 2015
Norðlingaölduveita og Kjalölduveita myndu endanlega spilla þremur stórum fossum í Efri-Þjórsá; Dynk, Gljúfurleitarfossi og Kjálkaversfossi.
Táknræn gjöf afhent iðnaðar og viðskiptaráðherra
29. janúar, 2015
Táknræn gjöf afhent iðnaðar og viðskiptaráðherra
Landvernd og Græni lykillinn
28. janúar, 2015
Radisson hótelin á Íslandi fá umhverfisviðurkenninguna Græna lykilinn, fyrst hótela á Íslandi.
Rafræn verkefnakista Skóla á grænni grein
27. janúar, 2015
Rafræn verkefnakista Grænfánans var opnuð formlega þann 21. janúar 2015.
Óskað eftir verkefnisstjóra hálendisverkefnis
22. desember, 2014
Auglýst er eftir verkefnisstjóra í hálendisverkefni Landverndar og Náttúruverndarsamtaka Íslands.
Jólafréttabréf skóla á Grænni grein
21. desember, 2014
Nú er árið senn á enda og hefur það að vanda verið viðburðaríkt hjá Skólum á grænni grein. Nú er 231 skóli skráður til leiks með samtals yfir 45 þúsund nemendum og tæplega 5000 kennurum og öðrum starfsmönnum. Heildarfjöldi þeirra sem tekur þátt í verkefninu hér á landi er því um 50 þúsund manns! Samtals fóru 90 Grænfánaafhendingar fram á árinu, þar af fengu tveir skólar Grænfánann í 7. sinn en það voru Fossvogsskóli og Grunnskóli Borgarfjarðar á Hvanneyri. Það eru fyrstu tveir skólarnir sem ná þeim áfanga hér á landi. Við óskum þeim til hamingju með árangurinn sem og öllum þeim skólum sem náðu markmiðum sínum og fengu Grænfánann afhentan á árinu!
Jólafréttabréf Bláfánans
21. desember, 2014
Nú er árið senn á enda og hefur ýmislegt markvert gerst hjá Bláfánanum. Aldrei hafa fleiri flaggað hér á landi en í ár, en samtals níu smábátahafnir og baðstrendur flögguðu Bláfánanum hér á landi auk þess sem fjögur hvalaskoðunarfyrirtæki flögguðu Bláfánaveifunni. Markviss vinna við gerð nýrra viðmiða fyrir Bláfánaveifuna fór fram í ár og er stefnt að því að drög að þeim verði prufukeyrð í byrjun næsta árs. Hvalaskoðunarfyrirtækið Elding hefur unnið náið með Landvernd við gerð viðmiðanna og mun sjá um prufukeyrsluna hér á landi, en viðmiðin verða prufukeyrð á nokkrum stöðum í heiminum. Það eru því spennandi tímar framundan hjá Bláfánanum á nýju ári!