FRÉTTIR AF STARFI OG VERKEFNUM
Náttúra Íslands í myndum Hjörleifs
Í tilefni af 70 ára afmæli náttúrufræðingsins og náttúruljósmyndarans Hjörleifs Guttormssonar stendur Landvernd fyrir sýningu á ljósmyndum hans í Öskju. Hagnaður af sölu rennur til Lögverndarsjóðs Landverndar.
Varmársamtökin kæra ákvörðun Skipulagsstofnunar
Varmársamtökin hafa kært ákvörðun Skipulagsstofnunar, dags. 22. maí 2006, um að tengibraut úr Helgafellslandi að Vesturlandsvegi skuli ekki háð mati á umhverfisáhrifum.
Ferð í Langasjó
Landvernd og Ferðafélag Íslands stóðu sameiginlega fyrir ferð í Langasjó sunnudaginn 25. júní. Mikil ásókn var í ferðina og var fullbókað í hana á örfáum dögum og komust færri að en vildu. Í ljósi þessa munu félögin reyna að koma á annarri slíkri ferð að ári.
Norræna ráðherranefndin rannsaki fækkun sjófugla
Fundur Landverndar og norrænna systursamtaka sem haldin var í Færeyjum 27. júlí – 3. ágúst beinir því til ráðherranefndarinnar að finna orsakir fyrir fækkun sjófugla víðsvegar á norður Atlantshafi og koma með tillögur um aðgerðir til úrbóta. Vistkerfi hafsins er í eðli sínu hnattrænt og þarf því að skoða það með heildstæðum hætti á fjölþjóðlegum vettvangi.
Málþing um ÍslandsGátt – 2006 – sjálfbær ferðaþjónusta.
Haldið föstudagurinn 9. júní, kl. 14:00 í höfuðstöðvum Orkuveitu Reykjavíkur, Bæjarhálsi 1.Markmið málþingsins var að leiða í ljós hvað hagsmunaaðilar geta fengið út úr samstarfi sem ÍslandsGátt getur boðið upp á.
Stækkum friðlandið
Yfirlýsing frá stjórn Landverndar. Stjórn Landverndar hefur fjallað um dóm héraðsdóms Reykjavíkur þar sem set- og miðlunarlónum norðan og vestan Þjórsárvera er hafnað án undangengins mats á umhverfisáhrifum.
Tímamótaákvörðun um Ingólfsfjall
Ákvörðun sveitarstjórnar Ölfuss um áframhaldandi efnistöku í Ingólfsfjalli þvert á álit Skipulagsstofnunar er tímamótaákvörðun. Samkvæmt áður gildandi lögum hefði ekki verið hægt að fara gegn niðurstöðu mats á umhverfisáhrifum með þeim hætti sem hér hefur verið gert.
Dettifossvegur frá sjónarhóli Landverndar
Landvernd hvetur til málefnalegra skoðanaskipta í kjölfar gagnrýni sveitarstjórnar Skútustaðahrepps á umsögn Landverndar um Dettifossveg og ályktunar Húsavíkurbæjar um sama mál. Samtökin minna á að hagsmunir náttúruverndar og ferðaþjónustu fara saman.
Aðalfundur Landverndar 2006
Verið velkomin á Garðaholt í Garðabæ laugardag 29. apríl kl. 11.00.
Sveitastjórn fari að áliti Skipulagsstofnunar
Stjórn Landverndar tekur undir það álit Skipulagsstofnunar að efnistaka upp á Ingólfsfjalli sé ekki ásættanleg og hvetur sveitarfélagið Ölfus að fara að vel rökstuddu áliti stofnunarinnar og taka tillit til umhverfissjónarmiða.
Grænfáninn í Fálkaborg
Fálkaborg var fyrsti skólinn á þessu ári til að fá Grænfánann.
Stefnumót við Hjörleif sjötugan
Málþing laugardaginn 25. mars til heiðurs Hjörleifi Guttormssyni sjötugum.
Velja Alþingismenn holtasóley
Lögð hefur verið fyrir Alþingi þingsályktunartillaga þar sem lagt er til að holtasóley verði Þjóðarblóm Íslendinga. Stjórn Landverndar fjallaði um málið.
Stóriðja, virkjanir og rammaáætlun
Formaður Landverndar hefur sent iðnaðarráðherra og umhverfisráðherra bréf vegna stóriðjuáforma. Hann vill að ráðherrarnir beiti sér fyrir því að beðið verði með frekari áform um stóriðju þar til vinnu við 2. áfanga rammaáætlunar er lokið.
Samstaðan um verndun Þjórsárvera fer vaxandi
Á fundi sínum í dag samþykkti borgarstjórn Reykjavíkur tillögu þess efnis að Reykjavíkurborg, sem eigandi 45% af Landsvirkjun, að fallið yrði frá áformum um Norðlingaölduveitu.
Þjórsárver ber að vernda
Þjórsárver eru óumdeilanlega eitt verðmætasta svæðið á hálendi Íslands og fjölmennur fundur sem haldinn var í Norræna húsinu í dag telur það eitt brýnasta verkefnið í náttúrvernd á Íslandi að stækka verndarsvæðið þannig að það falli að náttúrulegum mörkum veranna.
Vegabætur á Barðaströnd og náttúruvernd
Að mati stjórnar Landverndar má bæta vegasamgöngur á Barðaströnd án þess að skaða náttúruverðmæti svæðisins.
Stórt skref til að efla verndun sjávar
Sjávarútvegsráðherra hefur ákveðið að friða 5 svæði fyrir Suðurlandi sem eru alls um 80 ferkílómetrar fyrir öllum veiðum nema uppsjávarveiðum í hringnót og flottroll. Þessi ákvörðun markar tímamót í náttúruverndarsögu Íslands.
Hvað meinum við með ,,sjálfbærri þróun”
Björgólfur Thorsteinsson formaður Landverndar sagði í dag í ávarpi sínu á Umhverfisþingi að það þurfi að fá meiri samhljóm í skilning samfélagsins á hugtakinu ,,sjálfbær þróun”.
Náttúruvernd á Suðurlandi
Nú geta landsmenn fylgst með náttúrvernd á Suðurlandi þar sem NSS hafa opnað heimasíðu.
Árangur á Reykjanesi
Viðleitni Landverndar til að draga úr neikvæðum áhrifum háspennulínu að Reykjanesvirkjun hefur borið árangur. Allir álitsgjafar hafa skilað jákvæðri umsögn um hugmynd Landverndar um lagfæringu á línustæði.
Kæru vegna Urriðavatns vísað frá
Úrskurðanefnd skipulags- og byggingarmál tekur ekki efnislega afstöðu til stjórnsýslukæru Landverndar vegna þeirrar ákvörðunar Garðabæjar að leggja svæði sem verndað er skv. lögum um náttúruvernd og notið hefur bæjarverndar undir bílastæði og verslanir.
Norræn náttúruvernd á Grænlandi
Náttúruverndarsamtök frá Norðurlöndunum fimm, Færeyjum, Grænlandi og Álandseyjum héldu nýlega sinn árlega samráðsfund. Formaður Landverndar Björgólfur Thorsteinsson sótti fundinn.
Garðabær stöðvi framkvæmdir
Landvernd krefst að Garðabær stöðvi framkvæmdi við Urriðavatn.
Þjórsárverum borgið?
Samvinnunefndin um miðhálendið og sveitarstjórn Skeiða- og Gnúpverjahrepps hafna hugmyndum um virkjanir í Þjórsárverum. Þessi niðurstaða kemur ekki á óvart.
Kæra vegna skipulags við Urriðavatn
Stjórn Landverndar hefur kært til úrskurðanefndar þá ákvörðun bæjarstjórnar Garðabæjar að breyta aðalskipulagi vestan Urriðavatns og þá ákvörðun umhverfisráðherra að staðfesta þessa breytingu.
Gjábakkavegur og náttúruvernd
Stjórn Landverndar fagnar þeirri niðurstöðu umhverfisráðherra að nauðsynlegt sé að skoða betur möguleika til að bæta Gjábakkaveg án þess að spilla náttúruverðmætum.
Ekkert skipulag í gildi í Krýsuvík
Skipulagsstofnun hefur upplýst að ekkert skipulag sé í gildi á því svæði við Krísuvík sem fyrirhugað er að nýta til kvikmyndatöku. Veita má leyfi til framkvæmda á grundvelli bráðabirgðarákvæða ef Skipulagsstofnun er því meðmælt. Ekki liggur fyrir hvort slík meðmæli hafi verið veitt.
Stríð í Reykjanesfólkvangi
Eins og fram hefur komið í fréttum er áformað að taka kvikmynd við Arnarfell innan Reykjanesfólksvangs í landi Hafnarfjarðarbæjar. Þar gæti orðið leiksvið mikilla átaka og land og gróður illa leikin. Skrifstofa Landverndar hefur verið í sambandi við Skipulagsstofnun og skrifað bréf til bæjarstjórans í Hafnarfirði um málið.
Vigdísarrjóður í Alviðru
Vigdís Finnbogadóttir kom í Alviðru í gær, 9. júní, til að taka þátt í gróðursetningu í Vigdísarrjóðri sem er afmæliskveðja Landverndar til Vigdísar.
Til hamingju með afmælið Vigdís
Stjórn Landverndar óskar verndara Landverndar, Vigdísi Finnbogadóttur, til hamingju með 75 ára afmælið.
Akstur utan vega – málþingi frestað
Málþingi um akstur utan vega sem halda átti laugardaginn 16. apríl hefur verið frestað til 30. apríl.
Mengun frá rafskautaverksmiðju er óásættanleg
Stjórn Landverndar telur að það hafi ekki verið rétt af umhverfisráðuneytinu að fallast á rafskautaverksmiðju í Hvalfirði.
Fresta ber breytingum á skipulagi sunnan Hofsjökuls
Stjórn Landverndar gerir alvarlegar athugasemdir við tillögu Samvinnunefndar miðhálendisins um breytingar á skipulagi svæðis sunnan Hofsjökuls, sem auglýst var 13. janúar s.l. Tillagan felur í sér að náttúruverndarsvæðum yrði umbreytt í virkjunarsvæði.
Úrskurður ógildur
Úrskurður umhverfisráðherra 15. apríl 2003, þar sem staðfest var ákvörðun Skipulagsstofnunar að álver Alcoa í Reyðarfirði þyrfti ekki að sæta umhverfismati, var ómerktur af Héraðsdómi Reykjavíkur 12. janúar s.l. Hjörleifur Guttormsson var stefnandi í málinu. Dómurinn styrkir án efna stöðu umhverfisverndar.
Umhverfis- og náttúruvernd um áramót
,,Það er gæfa Íslendinga að eiga mikla auðlegð. Auðæfi og menntun þjóðarinnar ætti að gera okkur kleift að marka framtíðarsýn þar sem góðum lífskjörum í landinu er viðhaldið án þess að eyðileggja ómetanlega náttúruarfleið. Allt starf Landverndar miðast að því að gera slíka framtíðarsýn að fýsilegum valkosti.“ Segir Ólöf Guðný Valdimarsdóttir formaður Landverndar í áramótagrein.
Lýst eftir höfnum – umsóknir fyrir 15. febrúar 2005
Um þessar mundir er verið að senda öllum hafnarstjórnum, sem eru liðlega 40 á Íslandi, bréf um Bláfánann. Í bréfinu er hvatt til þátttöku í Bláfánanum sem er verkefni sem getur veitt gagnlega leiðsögn um hvernig betur megi vernda umhverfið, bæta öryggismál og aðstöðu og auka fræðslu um umhverfið. Umsóknarfrestur er til 15. febrúar n.k.
IUCN-þing markar stefnuna fyrir áherslur í náttúruvernd
Um 5.000 fulltrúar sóttu þing Alþjóðanáttúrverndarsamtakanna sem haldið var í Bangkok dagana 17. til 25. nóvember 2005. Á þinginu var fjallað um rúmlega 100 ályktanir sem snerta verndun náttúru og líffræðilegs fjölbreytileika. Í þessum ályktunum er að finna stefnumörkun fyrir náttúruvernd á næstu árum.
Heimsráðstefna um náttúruvernd, 2004
Þessa dagana stendur yfir þing Alþjóða- náttúruverndarsamtakanna. Þingið er haldið í Bangkok. Landvernd á fulltrúa á þinginu. Kjörorð þingsins er „fólk, náttúra og ein Jörð”
Þjórsárver – áform um mannvirki lögð til hliðar
Stjórn Landverndar vill að Landsvirkjun leggi til hliðar fyrirliggjandi áform um virkjanir í Þjórsárverum.
Verdun Þjórsárvera verði forgangsverkefni
Úttekt á náttúruverndargildi Þjórárver gefur tilefni til að ætla að svæðið gæti átt heima á Heimsminjaskrá Unesco.
Mælt gegn rafskautverksmiðju í Hvalfirði
Stjórn Landverndar vill að stjórnvöld hafni áformum um rafskautaverksmiðju við Katanes í Hvalfirði vegna megnunar sem hún veldur.
Ísland ,,Eldorado“ fyrir utanvegaakstur
Á heimasíðu skipafélagsins Smyril-line segir að Ísland sé ,,Eldorado“ þeirra sem vilja aka utan vega (an Eldorado for off-roaders). Landvernd hefur sent félaginu athugasemd og bent á að akstur utan vega er bannaður á Íslandi.
Bláfáninn blaktir við baðstaði
Í dag, 4. júní 2004, var Bláfáninn dregin að húni við Nauthólsvík og í Bláa lóninu. Þetta er annað árið sem heimild hefur fengist til að draga Bláfánann að húni á Íslandi.
Viljum við erfðabreytt matvæli?
Á undanförnum mánuðum hafa spunnist talsverðar umræður hér á landi um erfðabreyttar lífverur og afurðir þeirra, m.a. vegna áforma um stórfellda ræktun á erfðabreyttu lyfjabyggi. Af þessu tilefni boða VOR – félag framleiðenda í lífrænum búskap, Neytendasamtökin og áhugahópur neytenda til málþingis laugardaginn 8. maí 2004 kl. 13.30-16.30 á Grand Hótel Reykjavík.
Stækkun þjóðgarðs fagnað
Stjórn Landverndar fagnar frumvarpi um stækkun þjóðgarðsins á Þingvöllum og telur mikilvægt að samstarf og samráð verði í hávegum haft við stjórnun hans.
Ummæli dregin til baka
Stjórnarformaður Landsvirkjunar, sendi í gær frá sér yfirlýsingu þar sem hann skýrir frekar tiltekin ummæli sín á samráðsfundi fyrirtækisins fyrir helgi og dregur þau til baka. Þá biðst stjórnarformaðurinn afsökunar á því að orðið ,,óprúttinn“ skuli hafi verið að finna í skrifuðum texta þar sem vísað var til andstæðinga Kárahnjúkavirkjunar.
Fimm Bláfánaumsóknir afgreiddar
Íslenska dómnefndin fyrir Bláfánann hefur afgreitt fimm umsóknir um Bláfána 2004. Þetta eru Blá lónið, Nauthólsvík, Arnarstapahöfn, höfnin í Borgarfirði Eystra og Stykkishólmshöfn. Alþjóðdómnefndin hefur fengið viðeigandi gögn í hendur og úrskurður hennar er væntanlegur fyrir lok apríl.
Lög um verndun Mývatns og Laxár
Stjórn Landverndar hefur sent umhverfisnefnd Alþingis athugasemdir vegna frumvarps til laga um verndun Mývatns og Laxár. Stjórnin telur að fallast megi á megin atriði frumvarpsins en gerir alvarlegar athugasemdir við fáein atriði. Áður hafði stjórnin sent yfirlýsingu vegna bráðabirgðarákvæði um heimild til hækkunar stíflu í Laxá.
Alþingi veiti náttúruverndaráætlun brautargengi
Stjórn Landverndar gerir sér ljóst að sveitarstjórnir, hagsmunaaðilar og landeigendur geta ekki, á þessu stigi málsins, tekið endanlega afstöðu til þeirra tillagna sem felast í tillögu umhverfisráðherra um náttúruverndaráætlun. Þetta ætti ekki að hindra Alþingi í að samþykkja áætlunina sem almenna stefnumörkun þar sem síðar yrðu svæðin afmörkuð og friðlýsingarskilmálar tilgreindir í góðri samvinnu við alla viðkomandi aðila, enda er það forsenda árangurs.
Landvernd með í IUCN
Góðar horfur eru því að stjórn Alþjóðlegu náttúruverndarsamtakanna (IUCN)samþykki aðild Landverndar að IUCN á árlegum fundi sínum í mars. Skrifstofa IUCN hefur metið umsókn Landverndar og telur hana uppfylla öll skilyrði.
Stefna vegna álvers í Reyðarfiði
Hjörleifur Guttormsson náttúrufræðingur hefur stefnt Alcoa og umhverfis- og fjármálaráðherra vegna mats á umhverfisáhrifum álversins og veitingu starfsleyfis.
Lýst eftir höfnum – umsóknir fyrir 1. mars
Lýst eftir höfnum í bláfánaverkefnið.
Hellisheiðarvirkjun ásættanlegur kostur
Stjórn Landverndar hefur kynnt sér skýrslu um mat á umhverfisáhrifum Hellisheiðarvirkjunar. Það er mat stjórnar að það sé mögulegt að afla orku með Hellisheiðarvirkjun án þess að valda umtalsverðum áhrifum á umhverfið. Framlögð skýrsla um mat á umhverfisáhrifum veitir þó ekki nægjanlega skýr svör við nokkrum mikilvægum spurningum.
REACH – hvað er nú það?
Notkun kemískra efna hefur margfaldast undanfarna áratugi. En við vitum ekki á hvaða verði þau eru keypt vegna neikvæðra umhverfisáhrifa og verri heilsu?
Rjúpan fái frið
Stjórn Landverndar telur að það hafi verið óhjákvæmilegt fyrir umhverfisráðherra að grípa til þessa úrræðis að friða rjúpuna fyrir veiðum. Ráðherra hefur haft varúðarregluna að leiðaljósi við þessa ákvörðun.
Það hefði þó verið æskilegt að ákvörðun hefði legið fyrir með meiri fyrirvara.
Bandaríkjamenn bæti ráð sitt á Heiðarfjalli
Norræn umhverfis- og náttúruverndarsamtök hafa skrifað sameiginlegt bréf til utanríkisráðherra Bandaríkjanna og sendiherra Bandaríkjanna á Íslandi. Í bréfinu er viðskilnaði Bandaríkjamanna á Heiðarfjalli á Langanesi lýst sem algjörlega óviðunandi og bandarísk stjórnvöld eru hvött til að bæta ráð sitt.
Rammaáætlun verði mótandi um val á virkjunarstöðum
Stjórn Landverndar fagnar skýrslu um 1. áfanga rammaáætlunar um nýtingu vatnsafls og jarðvarma. Í skýrslunni kemur í fyrsta sinn fram samanburður á mörgum virkjunarhugmyndum þar sem bæði er litið til arðsemi og áhrifa á umhverfið. Stjórnin vonar að þessi skýrsla efli upplýsta umræðu um virkjanir og náttúruvernd og verði til þess að betri sátt náist um val á virkjunarkostum.
Rammáætlun – skýrslan kemur út 27. nóvember
Skýrsla um 1. áfanga rammaáætlunar verður kynnt í dag, fimmtudag 27. nóvember.
Sigrún Ósk og Þóra góðar í vistakstri
Sjónvarpskonurnar Sigrún Ósk og Þóra sýndur mikla yfirburði í vistaksturskeppni Landverndar og Toyota sem haldin var 15. nóvember. Keppnin sannaði enn einu sinni að það er til mikils að vinna að stunda vistakstur.